ذاکران دې په محرم میاشت کې د درز اچونکو مطلبونو له بیانولو ډډه وکړي
ایکنا خبری آژانس له لاهوره راپور راکړ ، دمحرم د میاشتې او دغه راز دحضرت امام حسین علیه السلام او دهغه بزرګوار د وفادارو ملګرو د شهادت د کلیزې او ویر او ماتم په درشل کې په لاهور کې د ایران د کلتوري خونې مسئول او کلتوري اتاشي جعفر روناس ، د شیعه او سني دیني عالمانو اومتفکرانو په شتون سره د اسلامی مذهبونو داتحاد په نامې سره یو سیمنار ترسره شو .
جعفر روناس په دغه سیمنار کې پخپلې وینا کې ددې خبرې په کولو سره چې عاشورا د خداي محوري ، له قرآنه دپیروۍ ، عدالت غوښتنې ، حق غوښتنې او انساني عزت ته د پام په څير د معنوي اوارزښتمنو انګیزو په درلودلو سره ، بشریّت ته د انسان جوړونې ژور پیغامونه ورکوي ،وئیلي دي ، عاشورا چې پکې د خداي درضا او دپیغمبر د امت داصلاح لپاره قربانۍ ورکړل شوي ، د مسلمانانو داتحاد لپاره دښې لارې نقشه ده .
په لاهور کې دایران دکلتوري خونې مسئول روښانه کړې ده ، دغه انساني ګډولې او اصول ،د حسینی عاشورا دمکتب مهم اصولي بنیادونه شمیرل کیږي ، په دې توګه عاشورا هم د اسلام د پيروانو او هم دنورو دینونو دپیروکارو او د درستو ا نسانانو لپاره وحدت او یوموټي کیدا پیغام لري .
دده سیمنار نورو ویناوالو هم د بشریّت په تاریخ کې د کربلا د زړه راښکونکي غمیزې او د اهل بیت علیهم السلام د شهادت دژورو اغیزو په بیانولو سره وئیلي دي ،دکربلاغورځنګ او حضرت امام حسین علیه السلام مظلومانه شهادت لامل شوی هغه حقیقي اسلام چې د له مینځه تلو په حال کې ؤ ، تر ابد پورې ا حیاء شي .
په دغه سیمنار کې داهل تسنن شخصیتونو اوعالمانو هم پخپلو ویناؤ کې دمحرم میاشت په سپیڅلو شپو ورځو کې داسلامی مذهبونو د پیروکارو ترمینځ پر اتحاد او وحدت په ټينګار سره وئيلي دي ، په پاکستان کې اهل تسنن هم د تاسوعا اوعاشورا په شپو ورځو کې په جوماتونو، واټونو کې په ځانګړو دستورو جوړولو سره د اسلام له ګران پیغمبر حضرت محمد مصطفی (ص) د پاک لمسي امام حسین علیه السلام په نسبت خپل عشق او مینه نندارې ته وړاندې کوي .
