دنړۍ ۳۳هیوادونه د وحي ټاټوبی ته دعمرې له ترسره کولو محرومه
ایکنا خبری آژانس د روسیا الیوم له قوله راپور راکړ ،دترکیې ددیني چارو وزارت پرون دیوې اعلامیې په خپرولو سره وئیلي دي ، درې دیرش هیوادونه د وحي ټاټوبي ته دعمره اداکونکو له استولو محرومه شوي دي . په دغې اعلامیې کې همداراز راغلي دي ، په زیات احتمال سره به سعودي عربستان د دغو هیوادونو دنامو لیسټ د ورځې په اساس اعلان کړي .
د مصر مصراوي خبری سایټ هم ددغو هیوادونو نامې دخپلو سرچینو له قوله اعلان کړی دی چې پکې امریکا، مصر ،جنوبی افریقا، فرانسه ،ایټالیا، سویس، انګلستان،سویډ ،جرمني آرژانتین ، برازیل ، انډونیشیا، جاپان ، چین ،ترکیه، هندوستان ،پاکستان ،ایران ،لیبریا ،ګینه بیساؤ، فارو ټاپوګان ، پرتګال ، آئرلینډ ،مونټه نګرو ، مقدونیه ،نیکارا ګوئه، هانګ کانګ، ماکائو، تایوان ،لبنان، متحده عربی امارات او کوراسائو شامل دي .
دسعودي عربستان دحج اوعمرې وزارت نن دیوې اعلامیې په خپرولو سره وئیلي دي ، د زمري دمیاشتې له اتلسمې یعني له ننه به په مسجد الحرام او مسجد النبی کې دلمانځه ،زیارت او دعمرې دمناسکو دترسره کولو لپاره د نړۍ له مختلفو هیوادونو څخه دعمرې داداکونکو غوښتنو ترلاسه کول سوکه سوکه پیل شي او په پیل کې به یوازې د شپیتو زرو عمره کونکو غوښتنې ومنل شي او سوکه سوکه به دغه شمیر په میاشت کې کابو دوو میلیون تنو ته ورسیږي .
ددغه وزارت د اعلامیې په اساس ، دعمرې د اداکولو د مجوز صادریدا به د اعتمرنا اوتوکلنا په نامو سره د دوو پروګرامونو له لارې ترسره شي او د حاجیانو اوعمره اداکونکو دسلامتیا دساتنې پهخاطر به د کرونائي بحران دمخنیوی د پروټولوکولونو ا جرا په بشپړ ډول اجرا شي .
د سعودي عربستان د حج او عمرې دجارو مرستیال وزیر عبدالفتاح بن سلیمان وائي ، چې دغه وزارت د راتلونکي قمري کال دعمره کونې له موسم څخه تر مخکې پورې له اړونده لورو سره ملګرتیا کړې ده ، څود بیت الله الحرام دجاجیانو لپاره یو کرار او له آرامښته ډک چاپیریال برابر شي . هغه ټينګار کړی ، بهرني حاجیان هم باید دغه هیواد ته د واریدیدو په وخت د تائيد شوو واکسنو دمجوز په لرلو سره خپله سلامتیا تضمین کړي او هغه ټول کسان چې د عمرې دمناسکو دترسره کولو نیّت لري ، باید مدرک وړاندې کړي ، چې ښئ ، کرونا ضد واکسن ئې پچکاري کړی دی .
د عربستان دحرمین شریفیّن د چارو عمومي ریاست دیوې اعلامیې په خپرولو سره وئیلي دي ،د لومړي ځل لپاره ئې د حرمین شریفّین د چارو د عمومي ریاست د مرستیالو په توګه دوه میرمنې منصوبې کړي دي .
مکې ورځپاڼې په ټویټر کې دخپلو کارونکو لپاره پخپلې پاڼې کې لیکلي دي ، چې ډاکټر العنود العبود او ډاکټر فاطمه الرشود د حرمین شریفین د چارود عمومي ریاست د دوو مرستیالانو په توګه منصوبې شوي دي .
له دې مخکې د مسحد الحرام او مسحد النبي د چارو عمومی مشر عبدالرحمن بن عبدالعزیز وئيلي وو ،چې د پي ایچ ډي ډګرئ لرونکي شل میرمنې ئې د حرمین شریفیّن د چارو د ریاست په لوړروتبه څوکیو چې په مکې مکرمې کې ئې د مسجد الحرام او په مدینې منورې کې ئې د مسجد النبي دچارو دمدیریّت مسئولیّت درلود ،منصوبې کړي دي .
