امام حسین(ع)د اسلام په تاریخ کې ترټولو ستره سرښیندنه کړې
زمونږخبریال له کابله راپور راکړ ، د طالبانو ډلې د کلتوري کمیشن مرستیال احمد ا... وثیق بیګا په یولړ څرګندونو کې دې ته په اشارې سره چې له شیعیانو سره دهیڅ ډول دښمني یا تضاد نه لري ، ټينګار کړی، حضرت امام حسین علیه السلام د اسلام په تاریخ کې ترټولو ستره سرښیندنه کړې ده ، چې ترقیامته به یادیږي .
احمد ا...وثیق وئيلي دي ومونږ اهل تشیّع ته اجارت ورکړی دی چې خپلې مذهبی دستورې کې په آرام او بشپړ آزادۍ سره ترسره کړي ، ځکه چې دوي هم افغانان دي او هر هغه درستورې چې ئې لري ، په آزادۍ سره ئې ترسره کولی شي . .
د طالبانو د کلتوري کمیشن مرستیال زیاته کړې ،دمحرم دستورې ، له دې کلونو کلونو مخکې راهسې ترسره کیږي او طالبانو سږکال د محرم دمیاشتې د دستورو دامنیت دتامینولو لپاره خپلې ټولې هڅې کارولي دي .
د طالبانو ډلې دغه لوړپوړي مسئول مقام ټينګار کړ ی ، طالبان دټولو مذهبونو احترام کوي او دمونږ او د اهل تشیَع ترمینځ ډير زیات مشترکات شته چې ټول ئې منو .. له دې مخکې هم د طالبانو ډلې ویندوي ذبیح ا... مجاهد هم تسنیم خبری آژانس ته وئيلي وو، که څه هم دافغانستان امنیتي وضعیّت عادي حالت نه لري ، خو طالبان ځان مسئول ګڼي ، چې په دغه هیواد کې د محرم دمیاشتې د دستورو امنیت تامین کړي . وروستي راپورونه ښئ چې د افغانستان د کابل پشمول په مختلفو سیمو کې دحسینی عاشورا د ورځې دستورې په پرتم سره روانې دي او خلک له کومې ویرې او اندیښنې پرته خپلې دستورې لمانځي .
