د سعودي عربستان ائتلاف په یمن کښې بله اډه خالي کړه
ایکناخبری آژانس د پارس ټوډې له قوله راپور راکړ ،د یمن په مارب ولایت کښې د حکومتي عسکرو او د ولسي کمیټیو له اوڅاره پرمختګ او د الحدیده ولایت په اکثرو سیمو باندې د دغو پوځیانو د کنټرول له ترلاسه کولو سره په یووخت د سعودي عربستان ځواکونو د یمن په ختیځ کښې د «حضر موت» ولایت د «رماه » سیمې په خوا کښې الخالدیه اډه له مخکنې غږملتیا پرته خالي کړي ده او دغه پوځیان عربستان ته بیرته ستانه شوي دي .
دغه راپور وايې چې له تیرو دوو (۲)میاشتو راهسې تراوسه ورځ تر بلې د «الخالدیه » اډې د کارکونکو شمیر کم شوی او عربستان په تیرو څو میاشتو کښې د یمن له څو سیمو خپل پوځيان ایستلي دي
دغه راپور په داسې حال کښې خپور شوی دی چې د یمن سرچینو په تیرې پنجشنبې ورځې خبر ورکړ د سعودي عربستان او د متحده عربي اماراتو د ائتلاف ځواکونه په یوه (۱) ناڅاپه اقدام کښې د یمن په لویدیځ کښې د الحدیده ولایت په جنوب او ختیځ کښې له لسګونو سیمو وتلي دي
د یمن رسنیو وویل په مارب ولایت کښې د حکومتي عسکرو او د ولسي کمیتیو له اوڅاره پرمختګ وروسته د دغه ولایت د ازادولو لپاره اپوټه شمیرنې پیل شوي دي .
