د افراطي هندوانو له خوا د مسلمانانو د وژلو بلنې جنجال راپورته کړ
ایکناخبری اژانس د ټي آر ټي عربی له قوله راپور راکړ، په هندوستان کې د افراطي هندوانو له خوا چې د هند په شمال کې په یوې مذهبی غونډې کې غونډ شوي وو، د مسلمانانو د وژلو او له مینځه وړلو غوښتنه کړې ده .
په راپور کې وئيل شوي ، هندي سیاستوالانو او د مدني ټولنو استازو هم په دغې پيښې کې د مسلمانانو په ضد تاؤتریخوالي ته د بلنې د عاملانو د پوښتلو غوښتنه کړې ده .
هندي پولیسو نن په یولړ اقداماتو کې په یوې سترې عمومي غونډې کې د افراطي هندوانو له خوا دمسلمانانو د وژلو د بلنې په باب څيړنې پيل کړي دي .
فرانس پریس آژانس راپور روکړی، د هندوستان په شمال کې په هریډوار سیمې کې د هندووانو په مقدس ښار کې د دسمبر په لومړیو کې په یوې سترې غونډې کې د یوې هندۍ ریکارډ شوی ویډیوئي فلم په استناد سره چې وینا کوي ، او د مسلمانانو د قتل عام بلنه ورکوي ،ستر جنجال راپورته کړی دی . دغه ښځه په سپين سترګیتوب سره د هندو دین د ساتلو او د هندوانو دبریالیتوب لپاره د دوه میلیون مسلمانانو د وژلو غوښته کوي .وئيل کیږي په دغې غونډې کې د واکمن افراطي ګوند بې جې پي د حکومت یو لوړ پوړی چارواکی هم موجود ؤ چې د دوي په خلاف ئې هیڅ عکس العمل نه دی ښودلی . ډيری شناندي او کارپوهان وائي چې افراطي هندوانو کرغیړنو اقداماتو ترشا دهندوستان د لومړي وزیر نریندرا مودي واکمن ګوند بې جې پي بشپړ ولاړ دی او د خپل افراطي لیدتوګو د بشپړولو لپاره ئې ناغیړي کسان ګمارلي دي .
