د خدای بخښلي فقیه آیت الله صافی ګلپایګاني دجنازې دستورې په نجف اشرف کې ترسره شوې
تهران (ایکنا) – دوه ورځې مخکې د ایران په قم کې په حق رسیدلی ستر دینی مرجع او فقیه آیت الله العظمی صافی ګلپایګاني مړی په قم کې په بدرګې پسې دعراق نجف اشرف ته منتقل شو او د امام علی علیه السلام په سپيڅلي حرم کې ئې بیا دجنازې بدرګه شوه څو په کربلا کې د امام حسین علیه السلام د حرم په خوا کې خاورو ته وسپارل شي .
ایکناخبری آژانس د الاتجاه تيلیویژنی چینل له قوله راپورراکړ ، دعراق په نجف اشرف کې ددغه هیواد په لسګونو زره خلکو د خداي بخښلي آیت الله صافی ګلپایګاني د جنازې په دستورو کې په ګډون سره هغه بدرګه کړ .
په دغو دستورو کې د عراق د ستر دیني مرجع آیت الله سیستانو دوو زامنو حجةالاسلام محمد رضا سیستاني او حجةالاسلام باقر سیستاني هم په دغو دستورو کې شتون درلود.
وروستي راپورونه وائي چې د خداي بخښلي آیت الله صافی ګلپایګاني د جنازې دستورې د کربلا په بین الحرمیّن کې ترسره شوي او د خلکو په ویر او ماتم کې ئې خاورو ته دسپارلو لپاره دامام حسین علیه السلام د حرم په لور بدرګه کړ .
په نجف اشرف کې د امام علی په سپيڅلي حرم کې د خداي بخښلي د جنازې د دستورو یو لنډ شان ویډیوئي کلیپ هم ستاسو خدمت ته وړاندې کیږي .
