له نهره تر بحره پورې د فلسطین پر آزادۍ او د مقاومت پر دوام ټينګار کوو
ایکناخبری آژانس د پارس ټوډې له قوله راپور راکړ،د فلسطین د اسلامی مقاومت غورځنګ حماس د سیاسی دفتر مشر اسماعیل هنیه پرون مازدیګر په غزې کې ددغه غورځنګ د تاسیس دپنځه دیرشمې کلیزې په ولولناکو دستورو کې په شتون سره پخپلې وینا کې ټينګار وکړ، د حماس غورځنګ مشران ددغه غورځنګ دتاسیس په کلیزې کې یوځل بیا له نهره تر بحره پورې د فلسطین د آزادۍ په اساس د جهادي اصولو او دمقاومت کرښې ته پر خپلې پابندۍ ټينګار کوي.
هینه په دوام کې د فلسطین د مقاومت مجاهدتونو او سرښیندنو او په تیره بیا د سیف القدس نومې عملیاتو ته په اشارې سره ووئیل، دسر لوړي غزې مقاومت او تل پاتیکیدا په اړه خپل ولس ته مبارکي وایوو ، هغه غزه چې هماغه راز له دښمن سره دجنګ په لومړۍ کرښې ده او د مبارزانو ګوته په ماشې او ټریګر باندې ده، هغه غزه چې د نیواکګرو په ضد دیوه لوي پاڅون په انتظار کې ده څو دوي د فلسطین له درست مقدس ټاټوبی بهر وشړي.
اسماعیل هنیه د فلسطین د مقاومت دشهیدانو او دهغو په سر کې د حماس د موسیس شیخ ا حمد یاسین پر پاک روح درود واستوۀ او له نهره تر بحره پورې پوې ئې د فلسطین په آزادۍ کې د مقاومت پر اصولو پابند کیدا باندې په ټینګار سره ووئيل، دمونږ په مقدساتو اوټاټوبي کې د نیواکګرو لپاره هیڅ ځاي نشته او د مونږ دخلکو ټولي په شنۀ غونډ(حماس غورځنګ) کې د شهیدانو پاکې وینې ته پر خپلې وفادارۍ ټینګار کوي.
