په حدید سورئې کې د انسان دژوند مرحلې
ایکنا-(تهران) انسان له ماشوموالي رانیولې تر بوډاتوب پورې مختلفو مرحلوڅخه تیریږي. دغه مرحلې د عمر د ځانګړنو او شرائطو په د لیل له یوه بل سره توپیر لري. د مثال په توګه، په ماشوموالی کې تل په لوبو بوخت وي او کله چې انسان لوي کیږي، نو هڅه کوي خپل ژوند پراخ کړي او هڅو ته مخه کړي.
د قرآن کریم اوه پنځوسمه سوره ؛حدید ؛نومیږي. دغه سوره په ۲۹آیتونو سره د قرآن کریم په ۲۷سپارې کې واقع ده . حدید سوره یوه مدني سوره ده او دنزول په ترتیب کې څلور نویمه سوره ده چې د اسلام پر ګران پيغمبر(ص)نازله شوې ده..د دغې سورې نومول هم په پنځه ویشتم آیت کې د وسپنې په معنا د حدید د ټکي د کارول کیدا په دلیل دي.
په دغې سورې کې دتوحید، الهي صفتونو،د قرآد دعظمت او د قیامت په ورځ د مومنانو او منافقانو د حالاتو په باب خبرې شوي دي. په حدید سورې کې د نوح ،ابراهیم د پيغمبرانو او د پیغمبر مقام ته د حضرت عیسی د رسیدا او دانجیل دنزول کیسې هم بیان شوي دي . په شپږو ورځو کې د پنځون دخلقت موضوع ددغې سورې نوره موضوعګانې حسابیږي.
د سورئې لومړني آیتونه په بشپړ ډول توحید او دخداوندمتعال صفتونو موضوع ته بیل شوي دي او له الهی صفتونو ئې کابو شل صفتونه شمیرلي دي.
په دغې سورې کې د شپې او ورځې څرخیدا او د شپو ورځو اوږدیدا او لنډيدا او دغه راز په آسمانونو اومځکې کې د خدای د قدرت او فرمانروائۍ دیوې نښې په توګه د کال موسمونو اختلاف ته اشاره شوې ده.
ددغې سورې یوه مهمه برخه دخدای په لاره کې دبخښنې او ددینا مالونو د بې ارزښتوالي په باب ده . په یوې لنډې برخې کې هم د الهی نبیانو دیوې مهمې موخې په توګه داجتماعي عدالت موضوع ته هم پام شوی دی.
ددینا د پریښودو مسئله او اجتماعي انزوا، هم پکې رټل شوي او د له دغې رودې څخه د مسلمانانو د ژوند روده او د اسلام لاره ئې جلا کړې ده.
