د پاکستان او صهیونیسټي رژيم تجارتي اړیکې به خطرناکې نتیجې ولري
ایکنا د پارس ټوډې له قوله راپور راکړ،د پاکستان د عمران خان په مشرۍ تحریک انصاف ګوند غوښته له دې وروسته مطرح شوي چې د دغه ګوند یوې مشرئې میرمن شیرین مزاري پخپل یوه ټویټ کې د اسلام او تل ابیب ترمینځ د تجارت د هرکلي په باب د امریکا د یهودیانو دکانګرس مطبوعاتي اعلامیه شيئر کړې.
میرمن شیرین مزاري چې له دې مخکې هم د امریکائي سیاستونو سخته مخالفه پاتې شوې او په کرتو ئې د صهیونیسټي رژيم د سپکو حرکتونو په وړاندې دځينو هیوادونو په چپتیا نیوکې هم کړي دي او د فلسطین له نیواکګرو سره د سازباز د دسیسې او د تیرګیر او وحشي صهیونیسټي رژيم دپه رسمیّت پيژندنې د دسیسې په باب ئې خبرداری ورکړی دی.
زمونږخبریال د آج ټيلویژني چینل له قوله راپور راکړی، د پآکستان تحریک انصاف ګوند په ټویټر کې په یوې اعلامیې کې لیکلي دي ،اوس مشخصه شوې چې د رژيم چینج ددوسیې یوه بل پټ پروګرام هم د پوره کیدا په حال کې دی او دسیسه ګر هم له نتن یاهو زده کوي چې ستره محکمه څرنګه کنټرول کړي.په دغې اعلامیې کې ټينګار شوی دی ، چې د پاکستان خارجه وزارت باید توضیح وکړي ، چې کله دغه هیواد صهیونیسټي رژيم په رسمیّت نه پيژندي ،نو دغه شان پيښې څنګه رامینځةکیږي او دلندن د پلان د یوې برخې په توګه نوره کومې پټې موافقې ترسره شوي دي؟
د پاکستان یو یهودي ښاریز فیشل بن خالد مدعی شوی چې توانیدلی دپاکستان وچه میوه او مصاله اسرائيلو ته صادره کړي.
د امریکا د یهودیانو کانګرس هم د مارچ په دیرشمه نیټه دیوې مطبوعاتي اعلامیې په خپرولو سره ددغه واړۀ اقدام په هرکلی سره هیله څرګنده کړې چې د اسرائيلو او پاکستان پر اقتصاد پراخې اغیزې وشیندل شي.
داپه داسې حال کې دي چې د پاکستان د تجارتي چارو زوارت له اسرائيلو سره هرډول تجارت او اړیکې درلودل په کلکه رد کړي ا و وئيلي ئې دي ، دپاکستان دبدنامولو لپاره هڅه ګړندئ شوې ده.
