په مصر کې د لومړۍ روژه لرونکوجشن او د روژمتي ترټولو اوږد دسترخوان
ایکناد مصراوي له قوله راپور راکړی،د مصر په جیزه ولایت کې شیخ زاید ښار اوسیدونکو ددغه ښار په تاریخ کې د لومړي ځل لپاره په مصر کې د روژې دمبارکې میاشتې تر ټولو اوږد روژماتي دسترخوان غوړولی څو د ؛د تاسو ګاونډی د تاسو کور دی ؛ په شعار سره پخپلو کې د ښاریزوالی پيوندونه پیاوړي کړي.
د رمضان المبارک د روژماتي دغه دسترخوانددغه ښار په یوه سړک کې تر ۱۵۰۰میټرو پورې اوږد غوړول شوی چې د خلکو په وینا نوموړی دسترخوان ، له ډول ډول خوړو،، د میز د شکل ، څوکیو او مشالونو اونورو ډول ډول ښکلاؤڅخه برخمن ؤ.
دغه دستورې د لومړۍ روژه ساتونکو زلمیانو او ماشومانو له ځانګړو پروګرامونو سره یو ځاي وې او د روژماتي په درشل کې د ماشومانو لپاره د قرآن د حفظ سیالیو او د غوره ماشومانو ته د ډالۍ د ورکولو پشمول ځیني دیني فعالیتونو سره یو ځاي وې.
د شیخ زاید ښار د ډله ایز روژماتي د منظمونکي کمیټې یوې مسئولې نهله طارق وائي،نن سبا ډیری خلک حتی د ورځې د ترینګلتیاؤ په دلیل له خپلو ګاونډیانو سره له ټولنیزو اړیکو څخه هم محروم دي او د روژې په مبارکې میاشتې کې ددغه شان دستورو ترسره کیدا د ښاریزو او درله یوه بل سره د دوي دخپلوانو ترمینځ د همپالنې او دوستۍ لپاره او همداراز په مختلفو زمینو کې دمدني ټولنې ترمینځ د تجروبو د مبادلې لپاره هم یو فرصت کیدلی شي.
شیخ زاید ښار د مصر دجیزه ولایت یو هغه نوی ښار دی چې په ۱۹۹۵کال کې د متحده عربی اماراتو په مالی ملاتړ سره تاسیس شو . شیخ زاید ښار د شپږم اکتوبر له ښار سره نزدې او د قاهرې په ۲۸کلومیټرۍ کې واقع دی .د شیخ زاید ښار مساحت کابو نهه زره پنځه سوه هیکټره او آبادي ئې هم درې لکه درې اتیا زره کسان دي . اټکل کیږي، چې د ښار په بشپړتیا سره ددغه ښار آبادي کابو پنځه لکه کسانو ته ورسیږي.
ددغه تاریخي روژماتي د ځانګړنو او ولولې په باب یو انځوریز راپور هم ستاسو خدمت ته وړاندې کیږي.
