ډنمارک دې د دیني نفرت خورونې په باب دملګروملتو پریکړه لیک اجرا کړي
ایکنا خبری آژانس راپور راکړ،په ملګروملتو کې د اسلامی ملګرتیا موسیسې نمایندګۍ د یوې اعلامیې په صادرولو سره په ډنمارک کې د قرآن کریم سپکاوی سخت محکوم کړ او ددغه هیواد له چارواکو ئې وغوښتل څو د نړیوالو قوانینو په اساس دې خپلو ژمنو ته پابنده ووسي.
په دغې اعلامیې کې چې ددغې موسیسې په ټوئيټر پاڼې کې خپره شوې ده ،راغلی د ي، مونږ په دا وروستیو کې په ډنمارک کې د الهي او آسماني کتاب قرآن کریم سپکاوی په سخته محکوموو.
په دغې اعلامیې کې ټينګار شوی دی ،له دغو اسلامی ضده اقداماتو دوادمداره دفاع او او د بیان د آزادۍ په پلمه ئې مخه نه نیولل ،په ښکاره په دې زمینې کې له سزا کولو خوندیتوب ته لمن وهي.
دغې موسیسې له ډنمارکه وغوښتل څو د نړیوالو قوانینو په اساس کې دې پخپلو ژمنو عمل وکړي او د دینی نفرت خورونې په باب دې ملګروملتو ملتو پریکړه لیک اجرا کړي.
په دغې اعلامیې کې همداراز راغلي دي هغه کسان چې د بشری حقوقو د شورا له جوتو دستوراتو سره سره ،خپل غږ نه پورته کوي،خپل اعتبار او باؤر به ډیر زر له لاسه ورکړي.
دغه پریکړه لیک دهغو حملو د محکومیّت غوښته کوي، چې آسماني کتاب قرآن ئې په نښه کوي او ددغه پریکړه لیک په اساس دغه ډول اقدامات دینی نفرت خورونه بلل کیږي.
د تیرې جمعې په ورځې په سویډ کې په قرآني سپکاویو پسې د ډنمارک په پلازمینې کپنهیګ کې هم د عراق د سفارت په وړاندې الهي آسماني کتاب قرآن کریم یوه نسخه د یوې افراطي ډلې وګړو وسوځوه.
