د افغانستان په ۱۴ ولایتونو کې د پولیو ضد واکسین کمپاین پیل شو
ایکنا نیوز د پارس ټوډې له قوله راپور راکړ، دافغانستان د روغتیائي چارو وزارت په یوې اعلاميې کې د شپاړسو ولايتونو له اوسېدونکو غوښتل شوي، چې له پنځو کلونو کم عمره ټول ماشومان واکسين کړي، څو له افغانستانه د پوليو ناروغي له منځه ولاړه شي.
له"پولیو څخه پاک افغانستان" سازمان اعلان وکړ چې نن به د افغانستان په ۱۴ ولایتونو کې د پولیو ضد واکسین کمپاین پیل شي.
په راپور کې وئيل شوي دي چې له پولیو څخه پاک افغانستان» په نوم د ایکس ټولنیزې شبکې په پاڼه کې د خپرې شوې اعلامیې له مخې، دغه کمپاین په تخار، کندز، بغلان، نورستان، کنړ، لغمان، کاپيسا، کابل، پروان، ننګرهار، خوست، پکتيا، پکتيکا او غزني ولایتونو کې پيلېږي.
په دغه اعلاميه کې د يادو ولايتونو له اوسېدونکو غوښتل شوي، چې له پنځو کلونو کم عمره ټول ماشومان واکسين کړي، څو له افغانستانه د پوليو ناروغي له منځه ولاړه شي.
له دې وړاندې هم د طالبانود عامي روغتیا وزارت لخوا په بیلابیلو ولایتونو کې د مرستندویه مؤسسو په همکارۍ د پولیو د واکسین څو دورې کمپاینونه په لاره اچول شوي وو.
سږ کال په افغانستان کې د پولیو څلور مثبتې پېښې ثبت شوې چې ټولې یې په ننګرهار ولایت کې دي.
د يادونې وړ ده، چې اوسمهال افغانستان او پاکستان د نړۍ يوازني هېوادونه دي، چې د پوليو ناروغي پکې صفر ته نه ده رسېدلې.
