قرآن ؛له بې هوشۍ پرته آپریشنونو کې د غزې د ټپیانو ددردونوملهم دی(فیلم)
ایکنا د الشرق الاوسط له قوله راپور راکړ، د الشفاء روغتون کې یوه ماشومه د ټپونو د درد له امله ژړیږي ، او د مورې مورې چغې وهي ، په داسې حال کې چې د روغتون طبی عمله او پرستاران له کومې بې هوشۍ مادې څخه له استفادې پرته د ماشومې په سر باندې ټپ ګنډي ،ځکه نور د غزې په روغتونونو کې د بې هوشۍ هیڅ درمل او ماده نشته .
دا یوه هغه ترټولو بده شیبه ده چې د الشفاء روغتون یو پرستارابوعماد حسنین روایتوي او د هغه کړاؤ او درد خبره کوي ، چې دغزې د رغتونونو عمله ئې نن سبا د بې آمانه یرغلونو د ټپیانو په وړاندې او دبې هوشۍ د درملو د کمښت په وجه ورسره لاس اوګریوان دي .
ابوعماد حسنین دې ته په اشارې سره چې زیاتره د هغو دردونو د زغملو لپاره چې ټپیان ئې احساسوي ، دوي ته یوازې په خوله کې پټئ ورکوي، څو په هغو پټَیو دردونو په دلیل غاښونه ټينګ کړي،ووئيل، پوهیږو چې هغه درد چې احساس کوي ،ئې ، په تیره بیا دماشومانو لپاره له دې لازیات هغه شی دی چې خیال ئې کیږي.
دغه پرستار وائي البته د پام وړ موضوع چې کله کورنۍ یا کوم کسان چې روغتون ته د ټپیانو د منتقلولو کار کوي، په دوامدار ډول دقرآن کریم آیتونه او دعاګانې زمزمه کوي، او دا کار د ټپیانو د دردونو د زغم او آرامښت باندې ډيرې اغیزې شیندي.
