متحده عربی امارات په هند کې ۵جوماتونه جوړوي.
ایکنانیوز د شارجه ۲۴ له قوله راپور راکړ د شارجې د خیرّیه ټولنې مدیر محمد عبدالرحمن آل علی په وینا ددغو جوماتونود جوړیدا لګښت دخیرّیه مرستو په غونډولو سره ترسره کیږي او د شارجې خیرّیه ټولنه د مالی مرستو ترلاسه کول له هغو کسانو چې د؛جوماتونو جوړولو؛ له پلان څخه ملاتړ ته ګروهمن دي، پیل کړې ده. دغه غونډول ، د؛ په زی الحجې کې لس ورځې؛ د نوښت په عنوان سره ترسره کیږي او موخه ئې په هندوستان کې د ۵ جوماتونو دجوړولو لپاره د کابو دوه لکه درهمو غونډول دي.
دغه مرستې د خیریّه ټولنې د هغو خیریه اپلیکشنونو له لارې غونډیږی چې په وروستیو کلونو کې د خیریه چارو لپاره پراخ شوي دي، ۵ هغه جوماتونه چې ټاکل شوې ده جوړ شي، د ۳۶۵ لمونځ ګوزارو ظرفیّت به ولري او هر جومات د ۷۳ لمونځ ګوزارو ظرفیّت لری، دا جوماتونه د هند په هغو لیرې پراتو کلیوالو سیمو کې جوړیږی چې مسلمانان ئې جوماتونه نه لري.
په وروستیو کلونو کې دهند مسلمانان ددینی مرکزونو په تیره بیا په کلیوالو سیمو کې د جوماتونو له کمښت سره مخ دي، له بل پلوه هندي افراط پال حکومت هم د مسلمانانو په ضد په تیره بیا د نوو دینی مرکزونو او جوماتونو د جوړولو په زمینې کې پراخ محدودیتونه رامینځةکړي دي.
دهند ډيری تاریخی جوماتونه هم د افراطي هندوانو( البته د هندوستان د افراطي حکومت په مټ) د ړنګیدا له ګواښ سره مخامخ دي.د زوړپالو هندوانو افراطي ډلې ادعا کوي چې د مسلمانانو ډير جوماتونه په حقیقت کې د هندوانو د هغو درمسالونو په کنډوالو جوړ شوی دی چې د مسلمانو امپراتوریو د حکومت په پړاؤ کې په زوره ړنګ شوي دي.
