اسلامی ایران د فلسطین د ولس او دقدس د آزادۍ بشپړ ملاتړ کوي
ایکنانیوز د ایرنا له قوله راپور راکړ،د ایران د اسلامی جمهوریت نوي ټاکل شوي ولمسشر د فلسطین د اسلامی مقاومتي غورځنګ حماس د سیاسی دفتر د مشر د مبارکۍ د پیغام په قدرونې سره ، خپلو حقه حقوقو او ټولو آرمانونو او همداراز د قدس شریف تر آزادۍ پورې د فلسطین له مظلوم ملته د ایران د اسلامی جمهوریت د هراړخیز ملاتړ پر دوام ټينګار وکړ.
ډاکټر مسعود پزشکیان د حماس غورځنګ د سیاسی دفتر مشر اسماعیل هنیه ته په پیغام کې ووئیل، د تاسو د مبارکۍ د پیغام قدرونه کوم ، دایران اسلامی جمهوریت د اسلامی اقنلاب دلوړو موخو او اصولو ته په پابندۍ سره او د حضرت امام خمیني دآرمانونو او درهبرس دستر مقام د لارښونو په چوکاټ کې به د صهیونیسټي رژيم د آپارټائيډ او نیواکګرۍ په وړاندې د فلسطین دملت او دهغو د مبارزو څخه ملاتړ ته دوام ورکړو.
ډاکټر مسعود پزشکیان پخپل پیغام کې ووئیل، ډاډمن یم چې په روان جنګ کې به د فلسطین د مقاومت کونکي ملت او مبارزانو اتلوال مجاهدت او او مقتدر او صبرناک فلسطیني ملت دتاریخی مقاومت په سیوري کې الهی نصرت او بریالیتوب د فلسطین د قدرمن ملت په نصیب شي.
د ایران نوي ټاکل شوي ولسمشر همداراز د فلسطین د غیرتمندو شهیدانو لپاره دلوړ مقام او د د اتلوالو مجاهدینو لپاره د عزت او آزادۍ او سرلوړۍ او سلامتیا دعا هم وکړه .
