د جلاوطنۍ په شرط سره د الاقصی د خطیب خوشی کیدا
ایکنانیوز د الجزیره له قوله راپور راکړ،د صهیونیسټي رژيم پولیسو له نیول کیدا څو ساعته وروسته د الاقصی جومات خطیب خوشی کړ او وټاکل شوه څو تر یکشنبې پورې د شپږو میاشتو پورې د جلاوطنۍ دتمدیدیدو په امکان سره له الاقصی جوماته وویستل شي.
نیواکګرو چارواکو د جمعې په ماښام د الاقصی جومات خطیب شیخ عکرمه صبري له څو ساعته نیولو وروسته له الاقصی جومات څخه د وتلو په شرط خوشی کړ.
د څارنوالۍ وکیل خالد زبارقه په یوې مطبوعاتي اعلامیې کې ووئيل، د نیواکي قدس نیواکګرو پولیسو د شیخ عکرمه صبری د خوشی کیدا امر کړی او په یووخت ئې تر یکشنبې پورې یعني تر نن پورې له الاقصی جوماته د هغه د و ویستلو (جلاوطنۍ) په باب اداري فرمان هم صادر کړ چې تر شپږو میاشتو پورې د تمدیدیدا وړ دی.
د حماس دسیاسی دفتر یوه غړي عزت الرشق له الاقصی جوماته د شیخ صبري د حذفولو په باب دنیواکګرو پولیسو له فیصلې سره د حماس غورځنګ سخت مخالفت وښود او دا فیصله ئې د الاقصی جومات په چارو کې ښکاره لاسوهنه او د عبادت د آزادۍ محدودول او خلاف ورزي وبلله.
الرشق هغو خوځښتونو ته په پام سره چې د شیخ عرکمه په ضد د فلسطین د خلکو په نزد د یوه ترټولو مذهبی مرجع او شخصیّت په توګه ترسره شوي ،نیواکګران ئې د شیخ عکرمه د امنیت بشپړ مسئول بللي دی.
صهیونیسټي پوځیانو د الاقصی جومات خطیب او دقدس د لوړې شورا مشر شیخ عکرمه صبری له دې څو ساعته وروسته چې هغه د الاقصی جومات د جمعې ورځې په خطبې کې د حماس غورځنګ د سیاسی دفتر د مشر اسماعیل هنیه د شهادت په باب تسلیّت ووایه او د دغه مجاهد شهید پر روح ئې غایبانه لمونځ اقامه کړ، وینوه.
