د تیونس په ټیلي ویژن کښې په موسیقۍ سره د قران په تلاوت پراخې نیوکې
ایکنا خبري اژانس د قدس العربي ورځپاڼې په قول راپور ورکړ د اینټرنیټ د ټولنیزو سایټونو کارونکو او مذهبي روحانیونو د یوه مذهبي سرود د خپرولو په خاطر چې قران یو ایت یې درلود د تیونس په حکومتي ټیلي ویژن سخته نیوکه وکړه.
په یوه پروګرام کښې چې د پیغمبر اکرم حضرت محمد ص د زوکړې د جشن په مناسبت د تیونس له حکومتي ټيلي ويژن څخه خپور شو اسماعیل حرابي یو مذهبي سرود ووایه چې پکښې د قران کریم د ال عمران یوسل لسم ایت لوستل کیږي داسې چاره چې په ټولنیزو اینټرنیټ پاڼو کښې یې په پراخ ډول غندنه شوي ده.
د نیوکه کوونکو په وینا په غنا سره د قران کریم د ایتونو لوستل یوه خطرناکه چاره او ستر بدعت دی چې د قران کریم د شان پرخلاف دي ځکه چې خدای پاک قران د دنیا د خلکو د هدایت لپاره نازل کړی دی او د هدایت دغه رڼا نشو مسخره کولای.
ځینو کسانو د موسیقۍ د سرودونو په بڼه د قران کریم لوستل د کلیسا د سرودونو تقلید او عیسایت ته ورته وباله.
په تیونس کښې د ټولنیزو اینټرنیټ پاڼو کاروونکو د تیونس د مفتي او د لوی څارنوال لخوا د اقدام د ترسره کولو او د تیونس د دوهم ټیلي ویژن د مدیر له کاره د لیرې کولو غوښتنه وکړه.
په تیونس کښې مخکې هم داسې پیښې رامینځته شوي دي.
https://iqna.ir/fa/news/4237065
