د ټرمپ د کابینې په احتمالی ترکیب د امریکا مسلمانان ناامید شول
ایکنانیوز د روئيټرز له قوله راپور راکړی، ډیری امریکائي مسلمانان چې په غزې کې دصهیونیسټي رژیم له جنګ غوښتنې او دپه لبنان د دوی له حملو د جوبایډن د حکومت په ملاتړ په اعتراض کې ئې له ډونالډټرمپه ملاتړ کړی ؤ،د هغه د ځينو وړاندیزي وزیرانو او مسئولانو د نامو په اعلانولو سره ئې د امریکا د مینځني ختیځ په باب د سیاستونو دبدلیدا په اړه ناامیدي څرګندوي.
ټرمپ دفلوریډا ایالت جمهوري غواړی سناتور مارکو روبیو د خارجه وزارت لپاره غوره کړی دی. هغه د اسرائیلوډیر زیات ملاتړی دی او کابو یو کال مخکې ئې وئيلي وو چې په غزې کې به د اور بند غوښتنه ونه کړي او اسرائیل باید دحماس ټول ځواکونه نابود کړي.
له بل پلوه ډونالډټرمپ د کانزاس ایالت پخوانی ګورنر او د اسرائيلو پلوی محافظه کار مایک هاکبې چې د اسرائيلو په وسیله ئې د لویدیځي غاړې دنیواک ملاتړ کړی ؤ او په فلسطین کې ئې ددوو حکومتي پلان حل لاره د نه اجرا وړ بللې،په تل ابیب کې ئې د امریکا سفیر معرفی کړی دی.
همداراز ټرمپ د کانګرس جمهوري پاله استازې الیزا سټفانیک چې ملګري ملتونه ئې په غزې کې د اسرائيلو د وژلو د محکومیّت په دلیل په یهودضده کړچار تورن کړي وو،په دغه نړیوال اورګان کې د امریکا سفیره غوره کړې ده.
د ټرمپ یو شمیر عرب او مسلمان ملاتړو وئیلي دي، دوي هیله مند وو د ټرمپ د لومړي حکومت د ملی ادارې پخوانی سربرست ریچرډ ګرِنِل،له امریکائي عربو او مسلمانو ټولنو سره له میاشتو میاشتو ارتباط وروسته د پخپلې کابینې کې وګماري، او حتی د ورپسې خارجه وزیر په توګه به ئې معرفی کړي..
داپه داسې حا ل کې دي چې ډونالډ ټرمپ دانتخاباتي کمپاین په شپو ورخو کې څو ځله د امریکا مسلمان اوعرب میشته ښارونو ته تللی ؤ او په ډ یربرن کې ئې چې زیاتره آبادي ئې عربان دي،شتون درلود. هغه په دغې لنډې کتنې کې وئیلي چې مسلمانو سره مینه لري . د جمهوری پالو کاندید په پیټسبرګ ښار کې هم خپل مسلمان ملاتړي یو داسې ښکلی غورځنګ بللی ؤ چې په سولې اوثبات پسې دي.
https://iqna.ir/fa/news/4248465
