د دوبئ د هند بنت مکتوم د قرآن د سیالیو د ۲۵پړاؤ پروګرام اعلان شو
ایکنانیوز د الخلیج له قوله راپور راکړ، د دوبئ د اسلامی چارو او خیریه فعالیتونو ادارې د دوبئ د نړیوالې جایزې په نمایندګۍ د شیخه هند بنت مکتوم د قرآڼ د سیالیو د پنځه ویشتم پړاؤ دترسره کیدا د مقدماتو د بشپړتیا خبر ورکړ.
دغه سیالۍ د جنورۍ له څلورمې پیلیږي او د جنورۍ تر لسمې پورې په دوام ولري. دغه سیالۍ د دوبئ د قرآن کریم دنړیوالې جایزې یوه اصلي څانګه حسابیږي او د قرآن آسماني کتاب حافظان او د متحده عربی اماراتو ښاریزو اوهستوګن په دغو سیالیو کې ګډون کولی شي.
ددغو سیالیو مسئول او دجایزې د شورا مشر احمد درویش المهیري په یولړ څرګندونو کې وئيلي دي، چې سیالۍ د یوه پلان شوي پروګرام په اساس ترسره کیږي چې د منظمیدا او کیفیّت ترټولو لوړ سټینډرډونو ته د رسیدا تضمینونکي دي او ښئ چې د قاضیانود ک میټې د جوړیدا او د کار د پرمختګ څخه دډاډمنیدا لپاره د تعقیبونې او څارنې دکمیټیو د جوړیدا په شمول د سیالیو د سسټماټيک ترسره کیدا لپاره ټول اقدامات ترسره شوي دي.
هغه ووئيل، مونږ د سیالیو د ترسره کیدا ځایونه داسې تیار کړي دي چې ددغې پيښې او د هغو ددینی ارزښت د اهمیّت په اساس دي،له دې امله د سړیو سیالۍ په الممزرسیمې کې دجایزې په مرکز کې ترسره کیږي، په داسې حال کې چې د میرمنو سیالۍ په الحمریه سیمې کې النهضه مرکز د میرمنو د سیالیو کوربتوب کوي.
دغه سیالۍ په شپږو برخو کې ترسره کیږیي ، چې په هغو کې له تجوید سره یو ځای د ټول قرآڼ کریم حفظ، له تجویز سره یو ځای د قرآن کریم پرله پسې شلو سپارو حفظ،له تجوید سره یو ځاي د قرآن کریم د لسو سپارو حفظ، د پنځو سپارو حفظ پکې شامل دي دغه برخه یوازې اماراتي ښاریزو ته بیله ده او دقرآن کریم د پنځو سپاریو د حفظ پنځمه برخه په اماراتو کې د هستوګنو وګړو لپاره ده په دې شرط چې د هغوي عمرونه له لسو کلونو زیات نه وي او تر ټولو وروستۍ برخې کې له تجوید سره یو ځای د قرآن کریم د درو سپارو حفظ دهغو کسانو لپاره ده چې د هغو عمرونه هم له لسو کلونو زیات نه وي ، وروستۍ برخه هم یوازې د اماراتي ښاریزو لپاره ده.
په دغو سیالیو کې ګډون کونکي باید د نامې د ثبتولو په وخت کې له ۲۵ کلونو زیات عمر ونه لري. همداراز باید د دوبۍ د قرآڼ کریم دنړیوالې جایزې یا د شیخه فاطمه بنت مبارک د قرآن دنړیوالو سیالیو پشمول په نورو نړیوالو سیالیو کې ئې ګډون نه وي کړی.
د یادولو وړ د ه چې تیر کال ددغو سیالیو په څلورویشتم پړاؤ کې له درست اماراته ۴۰ ښاغلو حافظانو او ۵۱ آغلو حافظانو پکې ګډون کړی ؤ.
https://iqna.ir/fa/news/4257291
