د اسلامی انقلاب د بریالیتوب د ۴۶ کلن جشن نړیوال انعکاس
ایکنانیوز د سی این این خبری چینل له قوله راپور راکړ،د ایران د اسلامی انقلاب د بریالیتوب ۴۶ کلن جشن لاریون پرون دوشنبې سهار په درست هیواد کې د خلکو په ولولناک ګډون سره ترسره شو.
په دغه راپور کې وئيل شوي دي، له تهران سره په یووخت دغه لاریون د ایران په ۱۴۰۰ ښارونو او ولسوالیو ا و ښارګیو کې او څه د پاسه پنځه دیرش زره کلو کې په پرتم سره وشو.
په دغو میلیوني لاریونونو کې د خلکو پراخ او اوڅاره ګډون په زیاتره نړیوالو رسندویو کې پراخ انعکاس درلودلی دی.
د لبانن المیادین خبری چینل د تهران د ولس میلیوني لاریون ته په ژوندئ بڼه پوښښ ورکړ. دغه راز د لبنان المینار چینل هم د لاریون له پيلیدا سره په یووخت ورته پراخ پوښښ ورکړ.
د لبنان العهد چینل هم د ایران د اسلامی انقلاب د بریالیتوب د ۴۶ کلیزې کې ولولناک میلیوني لاریون د ترسره کیدا په باب راپور خپور کړ. العهد خبری چینل پخپل راپور کې وئيلي دي، دایران خلکو د اسلامی انقلاب د بریالیتوب د شپږڅلویښتمې کلیزې په مناسبت مختلف ولسی جشنونه ترسره کړي دي. العهد همداراز د په پرتمین جشن کې د سردار قاسم سلیماني په نامې سره د حاج قاسم نومې توغندي نمایش ته هم اشاره کړې ده.
له بل پلوه دروسیې ریانوویستي خبری آژانس د ایران په مختلفو ښارونو کې د اسلامی انقلاب د بریالیتوب د لاریونونو او په دغو لاریونونو کې د ولس د پراخ ګډون خبرورکړی او راپور ئې کړي دي، چې د تهران پشمول د ایران ښارونه پرون سهار راهسې د اسلامی انقلاب د بریالیتوب په ۴۶ کلیزې کې د دغه هیواد د خلکو د پراخو لاریونونو او ولولې شاهد ؤ.
د روسیې دغه خبري آژانس راپور ورکړی،د ایران لوړپوړو مسئولانو ددغو ولسی فعالیتونو په پراختیا ټينګار درلود ااو دغه لاریون دهغه سیاسی پيغام په معنا دی چې د ایران له سیمه ایزو او نړیوالو دریځونو او حاکمیّت څځه ددغه هیواد د خلکو د ملاتړ ښودنه کوي.
د روسیې سپوټنیک خبری آژانس هم د ایران په مختلفو لیرې پراتو سیمو کې د سږکال د سلواغې د ۲۲ د دستورو ترسره کیدا ته په اشارې سره لیکلي دي، د ایران ولس پرون ددوشنبې په ورځې د تهران پشمول د هیواد په ګوټ ګوټ کې د اسلامی انقلاب د ۴۶ کلني جشن دستورې لمانځلي دي. دغه خبری آژانس همداراز لیکلي دي، د ایران اسلامی انقلاب د ۱۹۷۹کال د فرورۍ په یولسمه نیټه رامینځةشوی او ایران ئې له هغه شاهنشاهي نظام څخه چې د امریکا د متحده ایالاتو بشپړ ملاتړ ورسره ؤ ، د حضرت امام خمیني په رهبرۍ سره په اسلامی جمهوریت بدل کړ.
ایسو شی ایټيډ خبری آژانس هم راپور ورکړی، په لکونو ایرانیانو د دغه هیواد ۱۹۷۹کال داسلامی انقلاب کلیزه ولمانځله ،دا له هغه وخته لومړنی میلیونی لاریون دی چې د امریکا ولسمشر ډونالډټرمپ سپينې ماڼۍ ته بیرته ستون شوی او د تهران په ضد ئې خپل د زیاتره دباؤ کمپاین بیرته پیل کړی دی.
دغه خبری آژانس په دوام کې لیکلي دي، سږکال په ایران کې د اسلامی انقلاب د بریالیتوب لمانځل په داسې حال کې ترسره شوي چې دغه هیواد له داسې کوټلو بندیزونو سره مخ دی چې د دوي اقتصاد ګواښي؛د ټرمپ ګواښ په داسې شرائطو کې دی چې هغه اعلان کوي، غواړي ، له تهران سره دایران دایټمي پروګرام په سر یوې موافقې ته ورسیږي.
https://iqna.ir/fa/news/4265235
