عربی هیوادونه د غزې تړانګې په باب مهمه بیړنۍ سرمشریزه جوړوي

 ایکنا – د عربو هیوادونو له خوا د غزې تړانګې په باب د امریکا د ولسمشر ټرمپ  د منصوبې  په موضوع دغور او غبرګون په اړه مهمه بیړنئ سرمشریزه د مصر په قاهرې کې  جوړیږي.

ایکنانیوز د الجزیره ټيلیوژني چینل له قوله راپور راکړ، عربو مشرانو  له خوا به د فرورئ په ۲۷ نیټه د غزې تړانګې د وروستی وضعیّت  او برخلیک په باب د مصر په قاهرې کې مهمه بیړنئ سرمشریزه جوړه کړي، ددغې ناستې موخه  د   غزې تړانګې د اوسیدونکو   د جبری ویستلو لپاره د ډونالډټرمپ  د منصوبې په باب  دعملی  اقداماتو ترسره کول  او پر مصر او اردن باندې د ممکنه دباؤنو  په وړاندې  د عربي نړۍ د یوه موټي موقف  خپلول دی.

په راپور کې ويئل شوي دي ، د غزې تړانګې په باب  په دغې ناستې کې  د فلسطین  او  په غزې تړانګې کې  رامنیځةشوي انساني غمیزې،راتلونکي  په باب  پر نورو  چارو  د بحث او نظر تبادله کیږي. په تیره بیا د له جنګ بندۍ وروسته  د رامینځةکیدونکو حالاتو په باب  غور او بحث کول دي.

وئيل کیږي، ددغې سرمشریزې  ترسره کیدا د مصر او اردن په وړاندیز سره ترسره کیږي  او قاهره ددغې ناستې دکوربتوب په باب  له عربو هیوادونو سره سفارتي  مشورې کوي څو په دغې ناستې کې د لوړپوړو پلاؤ  ګډون یقیني  کړي.

د مصر ولسمشر عبدالفتاح السیسی او د اردن پاچا ملک عبدالله دوهم دغه موضوع جدی بللې ده او  مصر  دعربانو د سفارتي هڅو  مسئولیّت په غاړه اخستی دی څو په دې اړه د عربی نړۍ یوه خوله دریځ رابرسیره کړي.

په دغو هڅو کې مصر ،اردن او بحرین  هیوادونه هڅه کوي،  څو دعربی هیوادونو یو ګډ دریځ رامینځةکړي چې د امریکا له اوسني دباؤ سره مقابله وکړئ شي.

ډیری شناندي او کارپوهان وائي چې د عربانو  لپاره به دغه سرمشریزه ډيره حساسه وي ،ځکه چې مصر او اردن  مشرانو سره  د ټرمپ له خوا  له دباؤ سره د ډغرې لپاره څه خاص او جدي آپشنونه هم نه ښکاري.

https://iqna.ir/ur/news/3517956