په لویدیځ کې صهیونیست ضد غونډې د الهي ارادې د څرګندیدو یوه بیلګه ده

پارس ټودی ـ د ایران اسلامي انقلاب رهبر د استخباراتو وزارت د چارواکو په یوه غونډه کې ټینګار کړی چې نړیوالې غونډې فلسطین څخه د نړۍ د خلکو د ملاتړ نښه ده.

هغه د ایران د اسلامي انقلاب د بریالیتوب د ۴۶مې کلیزې په مناسبت د سلواغې د ۲۲مې لاریون په اړه  وویل، په اروپا او حتی امریکا کې د صهیونیستانو پر ضد لاریونونه د فلسطین د خلکو لپاره د نړۍ د عامه افکارو په ملاتړ کې د پام وړ زیاتوالی ښيي.

د ایران اسلامي انقلاب رهبر همدارنګه ټینګار وکړ چې د ستونزو یوازینۍ حل لاره د اسلامي انقلاب د اصولو پیروي ده.

هغه وويل چې د ټولو ستونزو حل په خدای باور کول، د اسلامی انقلاب اصولو ته غاړه ایښودل، او د خلکو غوښتنو او په هیواد کې د ښو قوانینو تعقیب کول دي.

پارس ټوډی د ایران د رهبر د دفتر د اطلاعاتي ویب پآنې په حواله لیکلي: د اطلاعاتو وزارت واقعاً انقلاب ته ژمن دی، څرنګه چې د دغه وزارت له پخوا څخه انقلابي پاتې شوی، نوي ځواکونه یې هم د اسلامی انقلاب په لار روان دي، چې دا یو لوی نعمت دی.

هغه د اطلاعاتي ادارو ترمنځ په ټولو برخو کې په همکارۍ او همغږۍ ټینګار وکړ او  اطلاعاتي ټولنو لپاره یې د اخلاقي او معنوي مسایلو ته ځانګړې پاملرنه مهمه او اړینه وبلله.

په دې کتنه کې د ایران د اطلاعاتو وزیر  حجت‌الاسلام والمسلمین خطیب، د دې وزارت د فعالیتونو او پروګرامونو په اړه راپور وړاندې کړ چې د امنیتي ګواښونو خنثی کول او د دښمن د جاسوسي خدماتو ته ضربې ورکول پکې شامل وو.

https://parstoday.ir/ps/news/iran-i157556