د بیان له آزادۍ د دفاع په پلمه له قرآن سوځونې په ملاتړ کې د لویدیځ دوه مخیتوب

ایکنا- په وروستیو کلونو کې د عقیدې د څرګندونې د حق او د بیان د آزادۍ په توجیهه سره په ځينو لویدیځي هیوادونو کې د قرآن کریم سپکاوي په کرتو تکرار شوي دي،دا په داسې حال کې دي چې د صهیونیسټ رژيم په جنایتونو نیوکې او د فلسطین له مظلوم ولسه ملاتړ،ددغه هیواددونو له ترټولو سختو او پيچلو امنیتي چلندونو سره مخامخ کیږي.

ایکنانیوز  راپور راکړی،د بیان په آزادۍ او د بشری حقوقو په موضوع کې د لویدیځي هیوادونو دوه ګوڼي سټينډرډونه تل پوښتنه راپارؤنکي دي.ددغه دوه مخیتوب یوه څرګنده ځلا، د مسلمانانو  د مقدساتو د سپکاویو آزادي او د یهودیّت ضده اقداماتو د ممنوعیّت په پلمه په صهیونیسټ رژيم  له ترټولو وړوکې نیوکې سره مبارزه ده.

الجزیره مباشر په یوه مطلب کې د نجلاء محفوظ په قلم سره په دې باب لیکلي دي،په وروستیو کلونو کې د قرآن کریم سپکاوي،د لویدیځي سیاستوالانو  په ملاتړ،توجیه او ستاینې کې  چې همیشه  د عقیدې د  آزادۍ تشې ډنډورې اوشعارونه پورته کوي،  په کرتو تکرار شوي دي.دغه سیاستوالان هماغه کسان دي چې  کله  له هغو ښکارندو سره چې  دوي ئې یهودي ضده ګڼي ،  مخامخیږی،نو د دوي چغې او ډنډورې د نړیوالو ترغوږونو رسیږي.

د پام وړ ټکی دا دی چې ځیني کسان قصدا د قرآن کریم دسپکاوي لپاهر د مسلمانانو د مذهبی مناسبتونو وختونه ټاکي.د روژې د مبارکې میاشتې، د مسلمانانو اخترونه او حج په څير مناسبتونو ته اشاره کولی شو، دهغو کسانو په څير چې د ۲-۲۳کال  کې  د قربانۍ د لوي اختر په ورځ ئې  په سویډ کې دیوه جومات په وړاندې  قرآني نسخه وسوځوله یا د هالینډ افراط پال او زوړ پال  سیاستوال خیرت ویلډرز  په ټویټټر کې  په رمضان میاشت کې  یوه ویډیو  خپره کړه ، د  ؛ اسلام ته نه ، رمضان ته نه ،د اسلام ددین  لپاره آزادۍ ته نه ؛  په عنوان سره :::

 د قرآن  کریم د هرځل سوځولو  او د پیغمبر اکرم (ص) د هر ځل سپکاوي  وروسته د لویدیځي رسندویو هائ هوئ  زیاتیږی. خو  دوي د مسلمانانو د  مقدساتو د سپکاوي کونکو عاملانو د محکومولو په ځاي  د سپکاویو له امله  په پاریدلي مسلمانانو باندې یرغلونه کوي او هغوي د آزادۍ دښمنان  معرفي کوي!

نو پوښتنه دا ده  چې ؛ د اسلام د دین په ضد دا  ټوله رټل ؛ د څه لپاره دي؟

 اروپایان؛ له نړۍ څخه جلا اوبدل شوي خټه

 د مسلمانانو د اعتقاداتو قصدا سپکاوي،د دوی د مقدس کتاب بیا بیا سوځولو ته  نه محدوديږي، په ۲۰۱۲ کال کې  د مسلمانانو د بې ګناهئ په عنوان سره(Innocence of Muslims ) پیغمبر اکرم  ته په سپکاوي کې د یوه فیلم د جوړولو شاهدان وو.له بل پلوه  شارلی ابدو فرانسوي خپرونې  په کرتو د اسلام او پیغمبر اکرم (ص)په سپکاویو کې په کرتو کارتونونه  خپره کړي او په درستې نړۍ کې ئې د مسلمانانو په پراخو اعتراضونو سترګې پټې کړي دي . همداراز  د فرانسې ولسمشر  ددغه اقدام له محکومولو څخه ډډه کړې او له هغه څه  څخه ئې چې د عقیدې آزادي ئې بللې دفاع کړې ده.

 دسویډ په سټاکهم پوهنتون کې د مدني حقوقو یو استاد مارتین شولتر لیکلي دي،چې د مسلمانانو مجرم بلل جرم دی، په داسې حال کې چې د قانون په اساس د قرآن کریم سوځول ، په مسلمانانو باندې حمله نه ده ،بلکې د اسلام په دین حمله ده .

قانون د قرآن سوځول کوم جرم نه دی ګڼلی ،ځکه  موخه ئې د یوهې خاصې ډلې په ضد حمله نه ده ؛دا د سویډ دقوانینو لپاره نیمګړتیا  نه ،بلکې یو امتیاز دی.

 مسلمه ده چې هر څومره انسان پرمختللی،لامتمدن کیږي او لا انسان کیږي، نو د نورو عقایدو ته لازیات احترام  کوي او د هغوي په مقدساتو او سمبولونو تیري نه کوي، او هیڅکله هم تلویحا  یا روښانه ډول  دنورو سپکاوي نه کوي، ځکه چې لا متمدنه او لا پرمختللی شوی وي. 

https://iqna.ir/fa/news/4268245