ایکنانیوز راپور راکوي، د ایران د اوقافو او د خیریه چارو د ادارې د قرآنی امورو د مرکز مشر حمید مجیدي مهر په یوه پیغام کې د ایران د اسلامی جمهوریت د قرآنی میرمنې له خوا د اردن هیواد د میرمنو د قرآنی نړیوالو سیالیو د پنځم مقام د ترلاسه کولو په باب مبارکي ووئيله.
د مبارکۍ ددغه پیغام متن داسې دی.
«بسم الله الرحمن الرحیم
آغلې میرمن سوګند رفیع زاده!
د اردن هیواد د قرآن کریم د نړیوالو سیالیو د میرمنو د برخې د پنځم ځائيګي ترلاسه کول، دتاسو د خالصو هڅو د وحي له کلام سره د صادقانه انس او لوړ همت د ځلا یوه نښه ده . دغه برکتناکه بریا چې د ایران د قرآني ټولنې د ویاړ سبب او د ددغه ټاټوبی د مومنو او وړتیا لرونکو انجونو لپاره یو روښانه راتلونکي ځیری دی، دزړه له کومې درته مبارکي وایم.
تاسو د ایمان له نوره الهام اخستوننکي تلاؤت او په عشق اغښل شوي تمرین سره ، یو ځل بیا وښودله چې ددغه ټاټوبی خلک او بچیان په نړیوال پراخ ډګر کې هم په ولولې او ویاړ او عزت سره ځلیدلی شی او د اصیل ایراني –اسلامی تلاؤت کلتور د نړیوالو غوږونو ته رسولی شي.
د اوقافو او خیریه چارود ادارې د قرآني امورو مرکز ،د تاسو د ارزښتمنو هڅو په قدرونې سره د خداوندمتعال په درګاه کې د الهي عنایاتو او مهربانیو او د قرآن کریم په سیوري کې ددغو بریاؤ ددوام دعا کوو.
حمید مجیدي مهر
د ایران داوقافو او دخیریه امورو د ادارې دقرآنی چارو د مرکز مشر.
باید ووئيل شي، د ایران د اسلامی جمهوریت د ټول قرآن کریم حافظه او د اردن هیواد د میرمنو د قرآنی نړیوالو سیالیو په شلم پړاؤ کې د ایران نماینده میرمن سوګند رفیع زاده ددغو سیالیو پنځم ځائيګی خپل کړ.دغه سیالۍ د غواي د میاشتې په دریمه نیټه د پایزو دستورو په ترسره کیدا او د غوره کسانو د ستاینې او قدرونې په دستورو سره پاي ته رسیدلي دي.
https://iqna.ir/fa/news/4278300