د ملي استعداد لرونکو د تلاوت ښوونځي فعالیت پیل کړ

ایکنا – د ایران د ملي استعدادلرونکو د تلاوت ښوونځي په یولړ دستورو کې د اوقافو او خیریه چارو د ادارې د مشر، د دې سازمان د قرآني چارو د مدیرانو او مسؤلانو او همدارنګه د هیواد د یو شمېر قرآني استادانو او مخکښانو په شتون سره د روان کال د غواي میاشتې په ۱۱مه نېټه یعنی پرون خپل فعالیت پیل کړ.

د ایکنا خبري اژانس  راپور راکوي، د ایران د اسلامی جمهوریت  د ملي  غوره کسانو او استعد لرونکو  د تلاوت ښوونځي د پرانیستې دستورې   پرون  سهار د اوقافو او خیریه چارو د   ادارې د مشر حجت‌الاسلام والمسلمین سید مهدي خاموشي او د هیواد د قرآني چارو د یو شمېر مدیرانو په شتون سره د تهران د  ارم هوټل د  غونډو په ال یا  تالار کې ترسره شوې.

دد غو مراسمو په پیل کې د ملي تلاوت ښوونځي د یو  نوي قاري په توګه سبحان عبداللهي، ، د قرآن کریم څو آیاتونه تلاوت کړل او ورپسې د دغه ښوونځي یو شمېر نوو قاريانو د قرآن کریم د آیاتونو ډله‌ییز تلاوت وکړ.

د تلاوت د ملي استعدادونو ښوونځی؛ د نورو هیوادونو لپاره یو بېلګه

د دغو مراسمو په دوام کې، چې د هیواد د معارفي پروګرامونو د وړاندې کوونکي سید وحید مرتضوي لخوا اجرا کېدې،  د هیواد یو مخکښ قرآني شخصیت او د اوقافو او خیریه چارو د  ادارې د مشر  قرآني سلاکار، عباس سلیمي، وینا وکړه.

سلیمي د خپلې لنډې وینا په پیل کې د کرامت لسیزې او د استاد شهید مرتضي مطهري او د ښوونکي د ورځې د یادولو ترڅنګ وویل: څرنګه چې د هیواد راتلونکی د دغه نوي نسل پورې اړه لري، که دا راتلونکي جوړوونکي د قرآن او الهي کلام سره بلد شي، نو د دغه هیواد راتلونکی او  نیکمرغي تضمینولی شي.

دغه مخکښ قرآني شخصیت د ملي استعدادونو د تلاوت ښوونځي پیل یو ښکلی او ارزښتمن اقدام وباله او زیاته یې کړه: دا تلپاتې اقدام د مقام معظم رهبري د استازي او د اوقافو او خیریه چارو د  ادارې د مشر  په ملاتړ او د هغه د همکارانو په هڅو او  زړورتیا سره دا ځيری  ورکوي چې د دښمنانو د دسیسو د شنډولو لپاره یو ښه پلان ترتیب شوی دی.

د تلاوت د ملي استعدادونو د  ښوونځي د جزئیاتو تشریح

د ایکنا د راپور له مخې، د دغو دستورو  په دوام کې د ملي استعدادونو د تلاوت د ښوونځي مدیر علي محرابي، ، د دې طرحې په اړه توضیحات وړاندې کړل او وې ویل: دوه کاله وړاندې کله چې یونس شاهمرادي د سعودي عربستان د نړیوالو قرآني سیالیو په ترڅ کې لوړه درجه ترلاسه کړه، د اوقافو د ادارې مشر  د قرآني استعدادونو د موندنې لپاره د یوه پلیټ فارم  د تعریفولو غوښتنه وکړه. په دوام کې، د دې کار د اجرا لپاره، د میاشتو هڅو او ګڼو ناستو په پایله کې د تلاوت د روزنې دورې طرحه شوې.

هغه ټینګار وکړ چې په تېرو دوو کلونو کې مونږ د لسګونو او سلګونو نابغه قرآني نوي استعدادونو سره مخ شوي یو، او  هغه نوي ځوانان چې ډېری یې نه د کومې ادارې غړي وو او نه یې هم کومه تخصصي روزنه لیدلې وه.

د دغو مراسمو بله برخه د اوقافو او خیریه چارو د  ادارې د مشر حجت‌الاسلام والمسلمین سید مهدي خاموشي وینا ته ځانګړې شوه. هغه وویل: خداوند په قرآن کې فرمایي: «قُلْ کُلٌّ یَعْمَلُ عَلی شاکِلَتِه»، انسان کله چې نړۍ ته راځي، د هغه طبیعي وجود زیږیدلی وي، خو خدا مونږ ته د پوهې وسیلې راکړي څو خالق او هستي وپېژنو؛ هر څومره چې زمونږ د خدای په اړه پوهه زیاته وي، له خداوند سره زمونږ  نږ دېوالی به هم زیات وي.

https://iqna.ir/fa/news/4279636