په دوحې نندارتون کې لیدونکو ته ۵ زره قرآنونه ډالۍ شول
ایکنانیوز د moia.gov.sa له قوله راپور راکوي، دا قرآنونه د مدینې د «ملک فهد» د قران چاپ او خپرولو کمپلیکس له خپرندوئې څخه دي، چې د سعودي عربستان د اسلامي چارو وزارت د دوحې د څلور دېرشم نړیوال کتاب نندارتون په څنډې کې د دغه نندارتون لیدونکو ته ډالۍ شوي دي.
د سعودي عربستان غرفه یا سټال د دغه نندارتون لیدونکو ته د ډالۍ لپاره ۱۰ زره قرآنونه په پام کې نیولي، چې دا قرانونه د ملک فهد مجمعې له لورې په بېلابېلو اندازو کې چاپ او خپاره شوي دي.
د اسلام د رسالت خپرول او د نړیوالو پیښو په ترڅ کې د سعودي عربستان د کلتوري او تبلیغي ګډون پیاوړتیا د قران په خپرولو او وېشلو سره د دوحې د څلور دېرشم نړیوال کتاب نندارتون کې د دغه هېواد ګډون او لیدونکو ته د قران د ډالۍ کولو موخه بلل شوې ده.
دا قرآنونه د قرآني علومو د کارپوهو عالمانو د یوې ډلې په څارنې سره ، د لوړو کیفیتي معیارونو په پام کې نیولو او د بیاکتنې او چاپ په دقت سره د ملک فهد کمپلیکس کې چاپ او خپاره شوي دي.
د سعودي عربستان سټال په دغه نندارتون کې د لیدونکو له تود هرکلي سره مخ شوې او په دې غرفې یا سټال کې د قران په ۷۷ ژبو ژباړې نندارې ته وړاندې شوي دي.
لیدونکو د دې سټال په لیدو سره د ملک فهد کمپلیکس کې د قران د چاپ او خپرولو له وسایلو سره اشنا شول او د غرفې چلوونکو له لورې د قران د چاپ مراحل، له بیاکتنې څخه تر وروستي تولید پورې، دوی ته تشریح شول.
باید ووئيل شي ، چې د دوحې څلور دېرشم نړیوال کتاب نندارتون د ۲۰۲۵ کال د مئ میاشتې له ۸مئ (د ۱۴۰۴ کال د غواي ۱۸ ) څخه د دوحې د نندارتونونو او کنفرانسونو په مرکز کې پیل شوی او د مئ تر ۱۷ (د غواي ۲۷ ) پورې دوام لري.
https://iqna.ir/fa/news/4282141
