د الجزایر د خوشخطۍ په جشنوارې کې د اسلامي نړئ د هنرمندانو غونډه
ایکنانیوز د العربی الجدیده له قوله راپور راکوي،دا جشنواره د دوشنبې په ورځ، د ۱۴۰۴ کال د غواي د میاشتې په ۲۲، په المدیه ښار «حسن الحسنی» کلتوري مرکز کې پیل شوې او د پنجشنبې په ماښام، یعنی د غواي د میاشتې په ۲۵ پای ته ورسېده.
د دغېه پړاؤ شعار «وفاداري؛ ژمنتیا او تړاو» ؤ او دا پیښه د الجزایر د نامتو خطاط «عبدالحمید اسکندر» د یاد درنښت په موخې سره ترسره شوه.
د الجزایر ۲۰ ولایتونو او د فلسطین، سورئې، مصر، عراق، اردن، لیبیا، ترکیې، ایران، ملایشیا، عمان، هند، تونس، بحرین، چین او پاکستانه نړیوالو پلاوؤ په دغې جشنواره کې ګډون کړی و او پکې د الجزایر ي او غیر الجزایري هنرمندانو له ۱۰۰ زیاتې د خوشخطۍ تابلوګانې نندارې ته وړاندې شوې.
د المدیه جشنواره د سیالۍ او د حروفنگارۍ، ثلث خط، کوفي مصحفي خط او دیواني خط (د اسلامي خوشخطۍ د ډولونو) په اړه د زدهکړې ورکشاپونو سره مل وه، چې خطاط هنرمندانو پرې څارنه کوله.
همدارنګه، د الجزایر جامع جومات،د الجزیره ښار د ښایسته هنرونو میوزیم،د المدیه د خلکو د هنرونو او دودونو ملي میوزیم او د «سی امحمد بوقره» ډګروال مجاهد میوزیم لیدنه د جشنوارې یو فرعي پروګرام وو.
د الجزایر د عربي خوشخطۍ نړیواله جشنواره تیر کال د «فلسطین لپاره؛ بریا او وفاداري» په شعار سره ترسره شوې وه.
دا جشنواره یوه کلنۍ پیښه ده چې د اسلامي کلاسیکو هنرونو د پیژندنې لپاره جوړېږي او په تېرو کلونو کې ئې پرمختګ کړی او په یوه نړیواله پیښه بدله شوې ده چې د نړۍ له ګوټ ګوټ څخه نامتو خ خطاط جلبوي. \
https://iqna.ir/fa/news/4282943
