د بشري حقوقو فعالانو په هندوستان کې د نیول شوي مسلمان استاد ملاتړ وکړ
ایکنانیوز د ټي آر ټي له قوله راپور راکړی، په هندوستان کې له ۱۲۰۰ څخه زیاتو پوهنتوني استادانو، فعالانو اود مدني ټولنې غړو د اشوکا پوهنتون د یوه هغه مسلمان استاد ملاتړ کړی چې د ټولنیزو رسنیو په یوه پوسټ کې له پاکستان سره د وروستيو پوځي شخړو په اړه د خپراوي په وجه نیول شوی دی.
دوی یو پرانیستی خط لاسلیک کړی او غوښتنه ئې کړې چې د استاد د بدنامولو او ناسمو معلوماتو د خپرولو په موخه د ې تخریبي کمپاین پای ته ورسیږي.
په دې سر خلاصي لیک کې د سیاسي علومو د دغه ستاد نیولل غیر منطقي بلل شوې، او د هغه پر وړاندې د هدفمنې ځورونې او د جنګ لپاره د کور یج د غچ اخیستنې پر ضد د خبرو کولو له امله د هغه د سانسور کولو هڅو ته اشاره شوې ده.
په لیک کې راغلي: د محمودآباد د یوه ښوونکي، یوه وګړي او د ګډ سوله ایز ژوند او سولې باندې په باور لرونکي وګړي په توګه له خپلو دندو پرته بل ئې هیڅ نه دي کړي.
محمودآباد د مئ په ۷ د هند او پاکستان ترمینځ د هوایي بریدونو له پیل یوه ورځ وروسته، په فیسبوک کې یو پوسټ خپور کړ ی او جنګ غوښتونکي ئې مخاطب کړی ، او لیکلي ئې دي؛ : شاید جنګ غوښتونکي کولی شي په هماغه اندازه په لوړ غږ غوښتنه وکړي چې د ډله ییزو وژنو، خودسرو ویجاړیو او د بهارتیا جانتا ګوند(بی جې پی)له اسلام د وېرونې او نفرت خپرولو قربانیان د هندي وګړو په توګه خوندي شي.
هغه لیکلي: تاسو په دقیق ډول څه غواړئ؟ د یوه ټول ملت نسل وژنه؟ ایا مونږ واقعاً غواړو د ماشومانو د پراخې وژنې ملاتړ وکړو چې د راتلونکي دښمنانو په توګه وګڼل شي؟ هغه په هندي رسنیو او سیاستوالو د پاکستانیانو د غیر انساني انځورولو د خپرولو په اړه نیوکه وکړه او دا ئې د جنګ او د مسلمانانو پر وړاندې د تاوتریخوالي د زمینه جوړونې په توګه وباله.
محمودآباد د دغو پوسټونو له خپرولو څو ورځې وروسته ونیول شو. د هندي فعالانو په لیک کې د هاریانا صوبې د ښځو له کمیشن څخه غوښتنه شوې چې خپل شکایت بیرته واخلي او له محمودآباد څخه بخښنه وغواړي. همدارنګه له اشوکا پوهنتون څخه هم غوښتنه شوې چې د دغه پوهنتوني استاد تر څنګ دې ودریږي، په ځانګړې توګه په دې وخت کې چې هغه د یوه ښوونکي، یوه وګړي او د همغږۍ او سولې په باور لرونکي شخص په توګه له خپلو دندو پرته بل هیڅ نه دي کړي.
https://iqna.ir/fa/news/4283628
