د مصطفي اسماعیل د زوی د فاتحې په مراسمو کې د عبدالباسط د زوی تلاوت(فیلم)
ایکنانیوز د الیوم السابع په حواله راپور راکړی، د شیخ مصطفي اسماعیل کورنۍ د هغه د مشر زوی، انجنیر «عاطف مصطفي اسماعیل» د فاتحې دستورې د مصر په لویدیځي ولایت السنطه ولسوالۍ کې په میت غزال» کلي کې ترسره کړل.
دا مراسم د میت غزال کلي او شاوخوا کلیو د سلګونو اوسېدونکو په ګډون ترسره شول او د مصر او اسلامي نړۍ د نامتو او بې ساري قاري استاد عبدالباسط زوی، طارق عبدالباسط، هم پکې ګډون کړی و.
د فاتحې مراسم د عاطف مصطفي اسماعیل او د هغه د پلار په زېږنځای کې د ویر او ماتم د خېمو په جوړولو سره ترسره شول او د مصر نامتو قاريانو،طارق عبدالباسط عبدالصمد او شیخ حجاج الهنداوي، پکې د قرآن کریم تلاوت وکړ.
باید ووئيل شي،چې عاطف مصطفي اسماعیل د شیخ مصطفي اسماعیل مشر زوی و، چې د دوشنبې په ورځ (د غبرګولي ۵ ) ئې له دې نړۍ سترګې پټې کړې.
عاطف د «پلار د میراث راټولونکي» او «د شیخ مصطفي اسماعیل د تلاوتونو تر ټولو لوی اورېدونکي» په لقب مشهور و او د هغه د جنازې مراسم په سه شنبې ورځې د هغه په زېږنځای، میت غزال کلي کې ترسره شول او په همدې کلي کې د کورنۍ په هدیره کې خاورو ته وسپارل شو.
د مصر د اوقافو وزیر، اسامه الازهري، د عاطف مصطفي اسماعیل د مړینې په مناسبت د تسلیت په پیغام کې وویل: پخ ایماني زړه سره د قضا او قدر په منلو سره د مصر د قرآن تلاوت د یو مخکښ او د طلائي حنجرو د خاوندانو د زوی د مړینې په مناسبت تسلیت وایم.
https://iqna.ir/fa/news/4285155
