په فرانسه کې د یوه جومات پر دیوالونو ضد اسلامي شعارونه
د ایکنا په حواله، د دلیل الریف راپور ورکوي چې د روسیون په ښارګوټي کې، د ایزیر په سیمه کې، پرون د «الهدایه» جومات د خرابکارانه برید شاهد و.
څلور نامعلوم کسانو، چې ماسکونه او مسلحې جامې یې اغوستې وې، د جومات دیوالونه یې مات کړل او اعلامیې یې پرې ولګولې، چې ضد اسلامي، نژادپرستانه او دیني افراطي شعارونه پکې وو.
د محلي رسنیو د راپورونو له مخې، برید کوونکو د سهار په ۵ بجو پر جومات برید وکړ او وروسته وتښتېدل.
د روسیون ښاروال روپیر دورانطون وویل: امنیتي ځواکونو د جومات پر دیوالونو د اعلامیو له لیدلو وروسته خپلې څېړنې پیل کړې.
د جومات مسؤلینو دا پېښه یو اسلامهراسانه عمل بللی او اړوندو چارواکو ته یې شکایت کړی، او د فرانسې په وړاندې د مسلمانانو پر ضد د کړنو د زیاتوالي په اړه یې خپله اندېښنه څرګنده کړې.
د پاریس لوی جومات هم دا برید غندلی او له چارواکو یې غوښتي چې په دې اړه څېړنه وکړي او د نامعلومو کسانو هویت معلوم او محاکمه کړي.
https://iqna.ir/fa/news/4291540
