. په اردن کې ۳۰۰۰ قرآنی اوړي مرکزونو فعالیت پیل شوی

ایکنا - د اردن د اوقافو وزیر د دغه هېواد په ۳۰۰۰ اوړي قرآني مرکزونو کې د نجونو او هلکانو لپاره د قرآن د حفظ د فعالیتونو د پیلولو خبر ورکړ. 

 ایکنا نیوز  د خبرني په حواله راپور راکړی،د اردن د اوقافو، امورو او مقدساتو وزیر محمد الخلایله،   ووئیل چې دا مرکزونه د «په اتفاق  او یووالي سره   راتلونکي نسلونه  د نشه‌يي توکو له خطرونو ساتو »په  شعار سره خپل فعالیتونه پیل کړي، او دا فعالیتونه د زده‌کوونکو د اوړي  له رخصتیو سره هم‌مهاله شوي دي. 

الخلایله په یوې مطبوعاتي غونډې کې وویل چې د اوړي قرآني حفظ مرکزونو موخه د قرآني اخلاقو په وینا او کردار کې د نسلونو روزنه او د نشه‌ييزو توکو له خطرونو او آفتونو څخه د هغوی لیرې ساتل دي. 

هغه زیاته کړه: دا مرکزونه د ځوانانو د ملاتړ او له قرآن سره د هغوی د اړیکې د جوړولو لپاره خوندي ځایونه دي او د نیکو اخلاقو په خپرولو او د الهي تقوا په ودې کې به پراخه اغېزه ولري. 

د اردن د اوقافو وزیر وویل: د هلکانو لپاره د قرآن اوړي مرکزونه د یکشنبې، سې‌شنبې او پنجشنبې په ورځو او د نجونو لپاره بیا د شنبې، دوشنبې او چهارشنبې په ورځو فعال دي، او د جوماتونو  صحنونه او دارالقرآنونه د اوړي قرآني کلاسونو د ترسره کولو ځایونه دي. 

هغه د زده‌کوونکو له والدینو وغوښتل چې خپل ماشومان په اوړي قرآني حفظ مرکزونو کې، چې د قرآن د زده‌کړې، حفظ او تلاوت لپاره فرصت دی، نوملیکنه وکړي. 

د راپور له  مخې، د اردن د اوقافو او اسلامي امورو وزارت په ټولو ولایتونو کې د تائید شویو اوړي مرکزونو او د قرآن د تدریس ناظرانو نومونه په خپلې ویب‌پاڼې «https://www.awqaf.gov.jo» او د وزارت په رسمي ټولنیزو رسنیو پاڼو کې اعلان کړي دي. 

 https://iqna.ir/fa/news/4291927