پر کلیسا برید کې د غزې د مسیحي ټولنې دریمه برخه له مینځه تللېب

ایکنا - د وحشی صیونیستی رژیم په دغې ورانکارې جګړه کې چې اسراییلي رژیم په غزه کې پیل کړې، د «دیر لاتین» په نوم د غزې په مرکزي برخه کې په یوه کلیسا باندې مستقیم برید وشو چې په ترڅ کې ئې درې تنه ووژل شول او ۱۲ نور ټپیان شول.

ایکنانیوز راپور راکوي،د صهیونیسټي رژيم په دغې حملې کې په وژل شویو کې د کلیسا  کشیش  یا پادری پدر جبرائیل هم شامل و. دغه برید د کلیسا ودانۍ ته درانه زیانونه ورسول او د هغو پراخو بریدونو برخه ده چې په ترڅ کې ئې مسجدونه او کلیساګانې په لوی لاس ویجاړ شوي دي. دې جګړې کابو ۱۰٪ د غزې نفوس له ثبت احواله ورک کړی دی.

د غزې د حکومت د رسنیو دفتر وایي چې شاوخوا ۹۰٪ د غزې د مسیحي کلیساوو شتمني، چې له ۱۶ پېړیو زیاته تاریخچه لري، له منځه تللې او د غزې مسیحي ټولنې خپل درېیمه برخه نفوس له لاسه ورکړی دی.

الیاس الجلدة چې د عرب ارتودوکس کلیسا شورا غړی دی، ویلي: اوس یوازې ۶۰۰ تنه مسیحیان په غزه کې پاتې دي، حال دا چې د جګړې تر پیل مخکې یې شمېر نږدې ۱۰۰۰ تنه وو.

الجــلدة وايي: په دې جګړه کې د غزې ۳٪ مسیحیان شهیدان شوي دي؛ پکې دوه بشپړې کورنۍ د «آل صوري» له کورنۍ هم شاملې دي چې د ثبت احوال نه پاکې شوې دي او نږدې ۵۰ تنه ټپیان شوي دي. صهیونیسټي رژیم د زیتون په سیمې کې د «قدیس بورفیریوس» ارتودوکس کلیسا او دوه ځله د لاتین «خانواده مقدس» کلیسا هم په نښه کړې ده. د مسیحیانو ټول تعلیمي مرکزونه، لکه د «العائلة المقدسة»، «راهبات الوردیه»، «راهبات المحبة» ښوونځي او د لاتین پاتریک ښوونځی په بشپړه یا جزوي توګه ویجاړ شوي دي. سربېره پر دې د مسیحیانو تر ټولو لوی فرهنګي مرکز چې په تل الهوا سیمه کې و، هم له مینځه تللی دی.

https://iqna.ir/fa/news/4295243