د لبنان په معروب ښار کې د قرآن کریم نوی مرکز پرانیستل شو

 ایکنا - د لبنان د قرآن کریم ټولنې نوی قرآني مرکز په معروب ښار کې د مقاومت د استازو په شتون سره پرانیستل شو.

 ایکنانیوز  راپور راکوي،د لبنان په جنوبي ښار معروب کې یو نوی قرآني مرکز، چې د «جمعیت القرآن الکریم» تر چتر لاندې فعالیت کوي، د شهیدانو په نوم له هال یا تالار سره یوځای پرانیستل شو. د پرانیستې په مراسمو کې ښاروال حسن فنیش، دیني علماو، د شهیدانو کورنیو، د مقاومت غړو او خلکو پراخ ګډون درلود.

په دغو دستورو کې د لبنان د پارلمان غړي، حسن عزالدین، وویل: مقاومت  کوم  فرقه‌يي او مذهبي  لوری نه دی؛ دا د حق او باطل تر مینځ مبارزه ده. د فلسطین او غزې د خلکو وژنه ټولې نړۍ ته ښکاره ده، خو دنیا هېڅ عکس‌العمل نه لري. مونږ پر خپلو مقاومت کونکو مشرانو ویاړو چې خپل ځانونه یې زمونږ د عزت او آزادۍ لپاره قرباني کړل.

هغه وویل، اسرائیلي یرغلونه د لبنان د حاکمیت ښکاره خلاف ورزئ دي، په ځمکه، هوا او اوبو کې، او دا یرغل د مقاومت په پلمه ترسره کېږي، حال دا چې نړیوال اورګانونه هم اعتراف کوي چې د لتاني سیند په سوېل کې د مقاومت هېڅ پوځي بنسټ نشته.

هغه همداراز وویل، دا ټول یرغلونه د امریکا له خوا ملاتړ کېږي، او کله چې اسرائیل ناکامېږي، نو امریکا پخپله عمل کوي، لکه د ایران پر ضد وروستیو بریدونو کې چې دا مسئله ښکاره شوې ده.

https://iqna.ir/fa/news/4297009