د قرآن کریم د تحقيق قرائت د مقدماتي مرحلې پيل
یکنا – د مسلمانو محصیلینو د قرآن کریم د نړیوالو سیالیو داووم پړاؤ د تحقیق د قرآئت مقدماتي مرحله نن د نړيوال قاري او د قرآنی چارو د قاضي عباس امامجمعه، په قضاوت سره پيل شوه.
د ايکنا د راپور له مخې، د نړيوالو مسلمانو محصلينو د قرآن کريم د اووم پړاؤ د نړیوالوسياليو د د عوت له مخې، د تحقيق د قرائت په څانګې کې برخهوالو ته اړتيا وه چې له ټاکل شويو ټوټو څخه يوه وټاکي او خپل تلاوت ئې د ايران د اسلامي جمهوريت د سياليو د قضاوت د آييننامې له مخې په بشپړه توګه د قواعدو په پام کې نيولو سره، په کابو پنځو دقيقو کې د يو ویډیوئي فايل په بڼه (د ۲۰ مېګابايټ حجم سره) ثبت کړي او د اړيکو له لارو ئې د سياليو د ترسره کونکې کمېټې ته ولېږي.
د تلاوتونو د فلمونو د لېږلو د دعوت او بلنې د وخت پای ته له رسېدو وروسته، په ټوليزه توګه ۵۵ تلاوتونه د سياليو دارالانشا ته ورسېدل، چې له لومړنيو ارزونو وروسته، ۴۵ آثار د وړتيا وړ ګڼل شوي او د آفلاين قضاوت لپاره غوره شوي دي.
په دغې مرحلې کې دارالانشا ته لېږل شوي ۴۵ ثبت شوي فلمونه د ۳۶ هېوادونو استازو پورې اړه لري، چې د عباس امامجمعه له لوري پرون ، یعني د زمري دمیاشتې ۲۷ دوشنبې ورځې ، له سهاره ئې ارزونې او قضاوت کیږي، او غوره شوي به ئې راتلونکې مرحلې ته لار ومومي.
يادونه کيږي چې د دغه پړاؤ د سياليو د ټول قرآن کریم د حفظ مقدماتي مرحله هم د تېرې چنګاښ د میاشتې له ۲۹ نېټې څخه په مجازي بڼه د هېواد د پوهنتونونو د قرآني ادارې په مبين سټوډیو کې ترسره شوه او د روان کال د غبرګولي میاشتې تر لومړۍ نېټې پورې يې دوام درلود، چې په ترڅ کې ئې برخهوالو د ژوندۍ تصويري اړيکې له لارې خپل محفوظات وړاندې کړل او د قرآن کريم نړيوال داور او حافظ، معتز آقايي ئې ، قضاوت په غاړه درلود.
دا سيالي د نړۍ د اسلامي محصلينو لپاره يوازينی قرآني پروګرام دی، چې تر اوسه ئې شپږ پړاؤنه د بېلابېلو هېوادونو د محصلينو په ګډون ترسره شوي او اوومه دوره ئې سږ کال ترسره کېږي.
https://iqna.ir/fa/news/4300290
