د ۸۰۰ فرهنگي تابلوګانې د ښادۍ او یووالي په پیغام سره
ایکنانیوز د تهران ښار د ښکلا د ادارې د عامه اړیکو له قوله راپور راکوي، د ربیعالاول میاشت په اسلامي کلتور کې د اهل بیت (ع) د ښادۍ او ولولې د میاشتې په توګه پیژندل کیږي او د محرم او صفرې د غمجنې فضا څخه د تاندوالي او ځیرو څخه ډکو شپو ورځو ته د تېریدو یو مهم ټکی دی.
په همدې اړه، د تهران ښار د ښاروالۍ د ښکلا او ډيکوریشن څانګې سږ کال د یوې پراخې طرحې په ترڅ کې د پلازمینې بڼه د دې نوراني میاشتې له مضامینو سره سینګار کړې او د دغو مهمو مناسبتونو د انعکاس لپاره ئې یو هدفمند پروګرام پیل کړی دی.
د ترتیب شوي پروګرام له مخې، کابو ۸۰۰ تبلیغاتي سازي یا د تابلوګانو ښکلا(د ودانیو د دیوالونو ډیکوریشن) د تهران په ټولو برخو کې د ربیعالاول میاشتې اړوند موضوعګانو ته ځانګړې شوې دي.
د تهران دښاروالۍ دډيکوریشن برخې اقدامات د ربیعالاول په میاشت کې پر پنځو محتوائي چورلیزونو ولاړ دي؛ د دغو پروګرامونو پیل د دغې میاشتې د رارسېدو مبارکۍ او د ښادۍ او امید ورځو ته د واریدیدا له پیغام سره دی، څو د دوو میاشتو سوګ او غم وروسته د ښار عمومي فضا نوی رنګ او بو واخلي.
په دوام کې، د حضرت امام حسن عسکري (ع) د شهادت یادونه د هغه بزرګوار د امامت په تاریخ کې د لوړ مقام یادونه کوي او سمدستي وروسته د حضرت امام مهدي ولیعصر (عج) د امامت د پیل اړونده پورټریټونه ، چې د شیعیانو په مینځ کې یو اعتقادي او برخلیک ټاکونکی ټکی دی، نندارې ته وړاندې کیږي.
په ورته وخت کې، د وحدت اونۍ او د رسول اکرم (ص) د میلاد په مناسبت د اسلامي امت د پيوستون په پیغام په ټینګار سره په پراخه کچه پوښښ شوی دی او په پای کې، د جعفري مکتب د بنسټ کیښودونکي په توګه، د حضرت امام جعفر صادق (ع) ولادت، نمانځل کیږي څو د ښار بڼه د ربیعالاول میاشتې د مناسبتونو او د ټولنې د کلتوري او دیني هویت ترمنځ د ژورې اړیکې روایتګره وي.
د بیلبورډونو د لګولو ترڅنګ، د ښاري فضا د شادابۍ د حس د رامینځته کولو لپاره چاپیریالي ځلاګانې هم کارول شوي دي.
د ربیعالاول له پیل سره سم د ښار د بصري فضا بدلون، د مذهبي مناسبتونو د درناوي ترڅنګ، د ټولنیزې شادابۍ او د وګړو ترمینځ د کلتوري پيوستون د پیاوړتیا لامل کیږي.
https://iqna.ir/fa/news/4301576
