د پیغمبر (ص) رحلت د لارې پاي نه دی؛ د مهربانۍ او عدالت د پیغام بیا احیا

ایکنا -  د ؛ایکس ؛ ټولنیز چینل  ایرانيو کاروونکو  د اسلام د  ګران پیغمبر، حضرت محمد (ص) د وفات د کلیزې په مناسبت،  هغه بزرګوار  د ظلم پر وړاندې د ټینګتیا د بشپړې بېلګې په توګه یاد کړی دی.

یکنانیوز د پارس ټوډې له قوله راپور راکړ،د اسلام د ګران پیغمبر، حضرت محمد مصطفى (ص) وفات، د اسلام او حتی د بشري تاریخ یو له سترو او دردناکو پیښو څخه دی. هغه پیغمبر چې د خپل  ۲۳ کلنې رسالت په مودې کې وتوانېد، د ایمان، استقامت او لوړو اخلاقو په مرسته،  له فساده ډکه  او په جهل او شخړو اخته ټولنه په یوه واحده امت بدله کړي او د انسانانو لپاره د سعادت  او نیکمرغئ لاره پرانیزي.  اهل تشیّع  د پیغمبر اکرم (ص) درحلت نېټه د صفرې د  میاشتې ۲۸ او  اهل تسنن ئې په  ربیع الاول میاشت  کې ګڼي. د پارس تودي د راپور له مخې، د حضرت محمد مصطفی(ص) د رحلت کلیزه د  ایکس ټولنیز چینل  په ایرانيو کاروونکو  کې ډیر غبرګونونه راپارولي او ډېرو ئې د ظلم او ستم پر وړاندې د هغه بزرګوار د کلکې  درېدا په اړه یادونې کړي دي.

د ایکس ټولنیز چینل  یوې کاروونکې مریم خلیفاوي، لیکلي: «حضرت محمد (ص)، د مهربانۍ پیغمبر او د  ظلم  او ستم سخت دښمن و. هغه د انسان د طاغوت له غلامۍ د خلاصون لپاره، آزار او جلاوطني ومنله. د هغه مهرباني د کمزورۍ نښه نه وه، بلکې د ظلم پر وړاندې د هغه کلکه دریدا  د نړۍ د ټولو آزادي غوښتونکو لپاره یوه تلپاتې بېلګه ده.

یوې بلې کاروونکې چې شیوا نومېږي، ویلي: «د اسلام ګران پیغمبر (ص) له ټولو، حتی دښمنانو سره، په مهربانۍ چلند کاوه. هغه صادق، امین او  مهربان ؤ ، په سختيو او آزارونو کې ئې صبر کاوه. هغه په قضاوت کې عادل، امانتدار او سخي و، او په غزا  او جنګ  ډګر کې زړَور.»

مبینا بیا ټینګار کړی: «د هغه  رحلت د لارې پای نه دی؛ دا د هغه بزرګوار  د تلپاتې پیغام د بیا ژوندي کولو یا احیا لپاره د فکري او عملي جهاد پیل دی. په دې شپو ورځو کې، پر ځای د یوازې غم کولو، راځئ چې د مهربانۍ، اخلاقو او عدالت مبلغین واوسو، چې دا د هغه میراث دی.»

د سکینه خاتون په نوم یوې کاروونکې لیکلي: «د پیغمبر حضرت محمد مصطفی (ص) هدف دداسې ټولنې جوړول وو چې له فقر، غلامۍ، جهل او جګړې پاکه وي. داسې ټولنه چې له خوښۍ، آرامۍ او رحمت ډکه وي. دا هغه وعده ده چې د بشر د ژغورونکي (امام مهدی ع) د ظهور له لارې به ریښتیني عدالت ته ورسېږي.»

د ایکس ټولنیز چینل یوې بلې کارؤنکې خدیجه مرادي،  ویلي: د اسلام پیغمبر (ص) په مهربانۍ سره جهل مات کړ. هغه بزرګوار  په  لومړی ځل د ښځو حقونه په رسمیت وپېژندل او پر توکم  او شتمنۍ نه، بلکې پر عدالت ولاړ یو نظام ئې جوړ کړ. ریښتینی اسلام د رحمت دین دی؛ نه هغه څه چې اسلام‌ویرونکي ئې بریښوي.

منوچهر محمدي هم باور لري: «د حضرت محمد (ص) لاره هغه څراغ دی چې بشریت د عدالت، اخلاقو او ورورولۍ په لور  هدایت کوي.»

په پای کې، مدینه پنجشېري د حضرت محمد مصطفى (ص) اخلاق د غوره اخلاقو بشپړه بېلګه بللې او ویلي ئې دي : «هغه بزرګوار  هیڅکله له بدې ژبې، تندخویۍ یا کینې سره له دښمنانو سره چلند نه کاوه. د هغه اخلاق قرآنی وو.

https://parstoday.ir/fa/world-i20248