آیا د حضرت امام مهدی(ع) او حضرت عیسی (ع)ظهور ظلم پای ته رسوي؟ ( مقاله)

ایکنا - پارس‌ټوډي - ابراهیمي دینونه د منجي  او ژغورونکي په ظهور او د ظلم  او استبداد پای ته په رسېدو باور لري؛ اسلام، مسیحیت او یهودیت ټولو ژمنه کړې چې په آخرالزمان کې به یو الهی کس د خداي په مرسته نړۍ له ظلم څخه پاکه کړي او عدالت به ټینګ کړي.

په آخرالزمان کې د حضرت امام مهدی (ع) او حضرت عیسی (ع) ظهور د مسلمانانو له مهمو باورونو څخه  دی چې په قرآن کریم او د اهل بیتو په احادیثو کې په واضح ډول ورته اشاره شوې ده . همدارنګه، د یهودو او مسیحیانو په مقدسو کتابونو کې هم د یو داسې شخص د   ظهور او راتګ وړاندوینې شوې چې عدالت به ټینګ کړي. په دغې لیکنې کې له پارس‌ټوډي څخه دې پوښتنې ته ځواب ورکوو چې آیا د حضرت امام مهدی او حضرت عیسی په ظهور سره به ظلم او ستم پای ته ورسیږي؟

۱. قرآن کریم او د حضرت امام مهدی ظهور

په قرآن کریم کې، که څه هم د حضرت مهدی نوم په ځانګړي ډول نه دی ذکر شوی، خو داسې آیتونه شته چې د خدای د ژمنې ښکارندوي کوي چې نړیوال عدالت به ټینګ شي او ظلم او فساد به پای ته ورسیږي. یو له دغو آیاتونو څخه د نور سورې ۵۵ آیات دی چې فرمائي؛

«وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا...»

  «خدای هغو کسانو ته چې ایمان ئې راوړی او نیک عملونه ئې کړي، ژمنه ورکوي چې هغوی به په ځمکه کې  خپل خلیفه وټاکي، لکه څنګه یې چې له دوي مخکې کسان خلیفه کړي وو، او د هغوی دین به چې د هغوی لپاره ئې غوره کړی، ټینګ کړي او له  ویرې وروسته به ئې په امن بدل کړي.::

۲. د حضرت امام مهدی(عج) په اړه د اهل بیت علیهم السلام  احادیث

په متواترو  حدیثونو  کې له رسول الله بزرګوار (ص) څخه راغلي چې حضرت مهدی به له حضرت عیسی سره په آخرالزمان کې راشي څو عدالت ټینګ کړي او ظلم او فساد له مینځه یوسي. یو له مشهورو احادیثو څخه د رسول الله (ص) دا حدیث دی چې فرمائي؛

«لو لم یبقَ من الدهر إلا یوم لبعث الله رجلاً من أهل‌بیتی یملأها قسطاً و عدلاً کما ملئت جوراً و ظلماً» (سنن ابي داوود: ۴/۱۰۶/۴۲۸۲)

؛که له نړۍ څخه یوازې یوه ورځ پاتې وي، خداي به زما له اهل بیتو څخه یو سړی راولي چې ځمکه به له عدالت او انصافه ډکه کړي، لکه څنګه چې له ظلم او  استبداده  ډکه شوې ده.::

۳. په اسلامي متنونو کې د حضرت عیسی د ظهور په اړه احادیث

د حضرت امام مهدی علیه السلام د ظهور په وخت کې د حضرت عیسی علیه السلام  بېرته راګرځېدل یوه یقیني پېښه ده چې مسلمانان پرې باور لري. قرآن کریم د نساء سورې په ۱۵۷ او ۱۵۸ آیاتونو کې د حضرت عیسی د وژل کېدو ادعا رد کړې اوفرمائي:

«وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَٰكِنْ شُبِّهَ لَهُمْ...»

؛او د هغوی وینا چې مونږ عیسی مسیح، د مریم زوی، د خدای رسول وواژه، حال دا چې نه ئې وواژه او نه ئې  هم په صلیب وځړوه ، بلکې داسې ورته وښودل شوه...:::

همدارنګه، د نساء سورې ۱۵۹ آیات وائي:

«وَإِنْ مِنْ أَهْلِ الْکِتَابِ إِلَّا لَیُؤْمِنَنَّ بِهِ قَبْلَ مَوْتِهِ وَیَوْمَ الْقِیَامَةِ یَکُونُ عَلَیْهِمْ شَهِیدًا»

؛ له اهل کتابو څخه هیڅوک نشته مګر دا چې د هغه له مرګ مخکې به پرې ایمان راوړي او د قیامت په ورځ به پر هغوی شاهد وي.::

د قرآن د مفسرینو په نظر، د رسول الله بزرګوار (ص) د  حدیثونو پر اساس ، حضرت عیسی به د قیامت له ورځې مخکې نړۍ ته بېرته راشي او ټول قومونه به پرې ایمان راوړي. همدارنګه، حضرت عیسی به د ظلم پر وړاندې د مبارزې لپاره د حضرت مهدی ملګری وي.

۴. تورات او انجیل

د یهودو او مسیحیانو په مقدسو کتابونو کې هم د یوه نړیوال منجي  او ژغورونکي د ظهور ته اشاره شوې چې عدالت به ټینګ کړي. په انجیل کې، په تیره بیا  د یوحنا په  مکاشفې کتاب کې، ویل شوي چې حضرت عیسی مسیح به ځمکې ته بېرته راشي څو د خداي حکومت ټینګ کړي او ظلم او فساد له منځه یوسي. په تورات کې هم د آخرالزمان د ژغورونکي منجي د راتګ په اړه وړاندوینې شته چې د هغه په راتګ سره به په ځمکې باندې  عدالت ټینګ شي.

پایله : د اسلامي، مسیحي او یهودي متنونو له مخې، د حضرت امام مهدی او حضرت عیسی ظهور به د ظلم او ستم د پای ته په  رسېدو او په نړۍ کې د عدالت د ټینګېدو لامل شي.

 https://parstoday.ir/fa/religion-i20966