د قرآن لوستلو او پوهېدو د آسانتیا لپاره. ایپلیکیشن « هادی قرآن‌»(القرآن الهادی)؛

ایکنا -  «قرآن‌هادی» په نامې سره اپلیکیشن، په سمارټ فون (تچ سکرین موبایل) او ټبلیټ کې په یوې جذابې فضا کې د قرآن لوستل او تفسیر وړاندې کوي او د کاروونکي لپاره په زړه پورې احساس رامینځته کوي.

د ایکنانیوز د راپور له مخې، د ډیجیټل ټیکنالوژۍ په پراخېدو سره، د قرآني سافټ ویّرونو یا نرم آوزارونو  د تولید او پراختیا له مخکې څخه ډېره اړینه شوې ده. دا ډول پروګرامونه نه یوازې له قرآن کریم  سره ګروهمنو ته لاسرسی اسانه کوي، بلکې د قرآن تعلیم، څېړنې او د الهي آیتونو په اړه  د تدبر لپاره هم ښه وسیله ګڼل کېدالی شي.

 «قرآن‌هادی»  اپلیکیشن(القرآن الهادی) د موبایل فون لپاره ځانګړی دی چې د هغه اندروید او iOS نسخې په ګڼو داخلي او نړیوالو مارکیټونو کې خپرې شوې دي. دا سافټ ویر د کاروونکي د آرامښت او معنوي تجربې پر تمرکز، د قرآن لوستل او تلاوت په یوې ساده او خوښې تجربې بدل کړی دی.

دا ایپلیکیشن د قرآن کریم بشپړ متن په څو فارسي ژباړو سره، معتبر تفسیرونه (لکه المیزان، تفسیر نمونه او تفسیر نور)، د مختلفو قاریانو غږ سره د آیت په آیت ترتیل، غږیزې ژباړې او د آیتونو د نښه کولو او یادښت لیکلو امکان د کاروونکو لپاره چمتو کوي. د معلوماتو بېک آپ او بیرته راګرځولو امکان، همدارنګه «آیت د ورځې» برخه د دغه پروګرام نورې ځانګړتیاوې دي.

د  هادی قران اپلیکیشن له پیاوړو ټکو څخه  د متن، ژباړو او څو تفسیرو کې د هغه بشپړوالي ته اشاره کولی شو. دا ځانګړتیا په لږو قرآني ایپلیکیشنونو کې لیدل کېږي. همدارنګه غږیزې ځانګړتیاوې لکه د ترتیل پخش او غږیزه ژباړه، د قرآن لوستل او حفظ په دې پروګرام کې د مینه والو لپاره اسانه کوي. د نښه کولو او یادښت لیکلو له لارې شخصي کول هم د کاروونکي تجربې لوړوي.

هادي قرآن نومې اپلیکیشن په ډیزاین کې د کاروونکي تجربې په ډیزاین کې پر درې اصلونو باندې ټینګار کوي:آسانتیا، روښنائي او همغږي.

د ډیزاین فني او د کاروونکي تجربې د هادي قرآن اپلیکیشن یو ه پیاوړي نقطه ده او د رنگونو پالټ آرامښت ورکوونکی دی. غالب رنگونه هم پکې ډير دي: نیلګین،ګرین او کریمي چې نه یوازې بصرني ښکلا لري، بلکې ډېر تمرکز او د سترګو د دباؤ د کمولو لامل کېږي.

د کاروونکو په منل کېدو سره، راپورونه په ځانګړو نسخو کې د پروګرام ناڅاپي بند کېدو ستونزې خپاره شوي دي.پر دې سربیره، د نسخو محتوايي توپیرونه (فارسي، انګلیسي یا عربي) ممکنه ده د کاروونکو د ګډوډئ لامل شي.

په ټول  کې د هادي قرآن‌ اپلیکیشن په ډیجیټل فضا کې د قرآني محتوا وړاندې کولو هڅو بریالی نمونې دی چې د قرآن د تلاوت، ژباړې او تفسیر د مینه والو  لپاره ډېرې ګټورې کېدالی شي.

https://iqna.ir/fa/news/4304284