څنګه مړه یا خالی وختونه د قرآن د حفظ کولو په فرصت بدلولی شو کړو(فیلم)
ایکنانیوز راپور راکوي، سید علي حسیني، چې د قزاقستان د قرآنی سیالیو لپاره ئې د چمتووالي په موخه پروګرام درلود، وویل: د قرآن حفظ کول د انسان مړه او ویده وختونه ژوندي کوي. هغه څوک چې د قرآن حفظولو ته مخه کوي، اړتیا نه لري ټول وخت د قرآن په تلاؤت او تثبیتولو تېر کړي او له خپلو اصلي چارو پاتې شي. د مثال په توګه، د تګ پر مهال، د لمانځه ترمینځ، د تګ راتګ په لارو کې، او حتی د نانوائئ په قطار کې، مړه وختونه یا خالی وختونه ژوندي کېدای شي او د قرآن آیتونو تکرارولو او تثبیتولو ته وخت ورکولای شي. د قزاقستان د قرآن کریم د نړیوالو سیالیو دویم پړاؤ (د ۲۰۲۵ کال د اکتوبر له ۱۴ څخه تر ۱۷ پورې، د ۱۴۰۴ کال د میزان له ۲۲ څخه تر ۲۵ پورې) د مینځنۍ اسیا په کچه د نوي قرآني پیښو په توګه ترسره کېږي او د بيلابیلو هيوادونو غوره حافظان به پکې ګډون وکړي. دا سیالۍ یوازې د حفظ په برخې کې ترسره کيږي. حجتالاسلام سید علي حسیني، چې د قم له ولایت څخه دی، د قاریانو د بلنې او لیږد کمېټې د سکرټریت له خوا د اوقافو او خیریه چارو د ادارې د قرآني امورو د مرکز په ملګرتیا سره د ایران د اسلامي جمهوریت د استازي په توګه دغو سیالیو ته ټاکل شوی دی. ایکنا د ټول قرآن له دغه حافظ سره په یوه ځانګړې مرکې کې د هغه د مخینو او د دغې نړیوالې سیالۍ لپاره د چمتووالي په اړه خبرې کړې دي، چې د متن ځیني برخې ئې تاسو سره هم شریکې کوو.
ایکنانیوز له ښاغلی حسینی څخه وپوښتل ، د قزاقستان د قرآن کریم د حفظ دنړیوالو سیالیو دوهم پړاؤ لپاره د ایران د استازي په توګه ستاسو د ټاکل کېدو مبارکي وایو. مهرباني وکړئ د خپلو قرآني چارو د مخینې په اړه راته ووائئ.
حسیني هم ددې پوښتنې په ځواب کې ووئيل؛ د قرآن زدهکړه مې له اووه کلنۍ پیل کړه. زما مور او پلار زما اصلي هڅوونکي دي، چې د قرآن په وړاندې ئې ځانګړی پام درلود. له ما مخکې زما مشر ورور هم دټول قرآن حافظ شوی و، چې دا کار زما د قرآن په لور لا زیاته هڅونه رامنځته کړه. هغه د یوې بلې پوښتنې په ځواب کې هم ووئيل؛ د قرآن حفظ کول د انسان مړه یا بیکاره وختونه ژوندي کوي. هغه څوک چې د قرآن حفظ کولو ته مخه کوي، اړتیا نه لري ټول وخت د قرآن په قرائت لوستلو او تثبیتولو تېر کړي او له خپلو اصلي چارو پاتې شي. دا په وګړنیز او شخصي مدیریت پورې اړه لري، خو د مثال په توګه، د تګ پر مهال، د لمانځه ترمینځ، د تګ راتګ په لارو کې، او حتی د نانوائئ په کتار کې، مړه خالی وختونه ژوندي کېدای شي او د قرآن آیتونو تکرارولو او تثبیت ته وخت ورکولای شي. قرآن زما د ژوند په ټولو اړخونو، لکه تحصیلي، معنوي، او حتی د ژوند د لارې په ټاکلو کې بنسټیز ې اغيزې کړی دی. د قرآن حفظ کول له کلام الله سره ژوره اړیکه رامنځته کړې، چې ډېرې برکتونه ئې په پایلې کې راغلي دي. قرآن د حافظ لپاره یو ساتونکی او خوندي ځای دی. هغه څوک چې د قرآن په تعبیر «حَمَلَةُ القرآنِ» دی، لکه څنګه چې رسول اکرم (ص) فرمایلي: «کله چې فتنې ستاسو پر سر لکه د تورې شپې ټوټې راټولې شي، نو تاسو ته پکار ده چې قرآن ته پناه یوسئ.»
ایکنانیوز دغه راز د قم ولایت څخه د حفظ کل په برخه کې د ۴۷ پړاؤ کې دورې د قرآن کریم په سراسري سیالیو کې (د ۱۴۰۳ کال لیندۍ) د سید علي حسیني د اجرا یو ویډیوئي کلیپ ستاسو خدمت ته وړاندې کوي،په دې هیله چې د استفادې وړ مو وګرځي.
https://iqna.ir/fa/news/4309505
