د الازهر لوئې قرآني سیالۍ،د یو لک پنځوس زره ګډون کوونکو په سیالۍسره پیل شوې
ایکنانیوز د اخبار الیوم له قوله راپور راکړی، دا سیالۍ د شیخ الازهر احمد الطیب،په ملاتړ او د الازهر د مرستیال، محمد عبدالرحمن الدوینی، او د الازهر پورې د اړونده قرآني ادارو د مشر شیخ ایمن عبدالغنی، په څارنې سره د دغه اسلامي مرکز د دوامدارو هڅو په چوکاټ کې چې د خدای د آسماني کتاب د حافظانو ملاتړ کوي او په بېلابېلو عمرونو کې قرآني استعدادونه روزي، ترسره کېږي.
د سیالیو لومړی پړاو په اوو ولایتونو کې پیل شوی: مرسی مطروح، سوئز، پورت سعید، اسماعیلیه، شمالي سینا، جنوبي سینا او سره سمندر، په اوو ولایتونو کې د ګډون کوونکو او د دوي د والدینو په پراخ شتون سره، او د دقیق پلان شوو تدبیرو سره سم چې شفافیت او د ټولو ګډون کوونکو لپاره برابر فرصتونه تضمین کوي.
په الازهر کې د قرآن کریم د ارزونې کمېټې مرستیال مشر او د قرآني چارو عمومي مدیر، په سوئز ولایت کې د سیالیو د پرمختګ پروسه تعقیب کړه او له ازموینو کمېټو څخه ئې لیدنې وکړې او له دې ئې ډاډ ترلاسه کړ چې د الازهر لخوا تایید شوي معیارونو سره سم اجرا منظمه ده او قضاوت سم دی.
په همدې اړخ کې،د الازهر مرستیال،محمد عبدالرحمن الدوینی، ټینګار وکړ چې دا سیالۍ د الازهر په چوکاټ کې د قرآن کریم د حفظ، فهم او تدبر خپرولو،او د حفظ او تلاوت کې د نوي نسلونه د وړتیاؤ د رابرسیره کولو لپاره په هڅولو سره ترسره کېږي.
هغه یادونه وکړه چې دا سیالي څلور پړاوونه لري چې د هېواد ټول ولایتونه پکې شامل دي او د هغو نهائی پړاؤ به په رمضان المبارک میاشت کې په قاهرې کې د الازهر په مرکزي دفتر کې ترسره شي څو ګټونکي په یوې معنوي فضا کې چې د دغې مبارکې میاشتې له برکتونو ډکه وي، ستایل او ونازول شي.
https://iqna.ir/fa/news/4315050
