لاریجاني: د ایران او پاکستان ترمنځ ملګرتیا له سیمه ییزې سولې سره مرسته کوي
ایکنانیوز د پارس ټوډې له قوله راپور راکړ،د ایران د عالي ملي امنیت شورا منشي په سیمه کې د پاکستان په مهم ځای په ټینګار سره وویل چې په مختلفو برخو کې د تهران او اسلام آباد ترمنځ همکاري په سیمه کې د سولې او ارامۍ سره مرسته کوي.
" د ایران د عالي ملي امنیت شورا سکرتر علي لاریجاني نن سهار اسلام آباد ته د رسیدو پر مهال له خبریالانو سره په خبرو کې وویل: پاکستان په سیمه کې یو مهم هیواد دی او د سیمې په امنیتي وضعیت باندې د خپل نفوذ له پلوه یو امتیازي مقام لري.
د پارس ټوډې په وینا، هغه زیاته کړه: پاکستان، د ایران د ختیځ ګاونډي په توګه، په کلتوري لحاظ هم رول لوبوي، او د دواړو هیوادونو ترمنځ اړیکې له اوږدې مودې راهیسې ژورې او تاریخي دي.
د ایران د اسلامي جمهوریت د ملي امنیت د عالي شورا منشي ټینګار وکړ: "نن د سیمې په بدلیدونکو شرایطو کې، په مختلفو برخو کې د ایران او پاکستان ترمنځ همکاري کولی شي د سیمې سولې او ارامۍ سره مرسته وکړي."
https://parstoday.ir/ps/news/event-i167646
