الازهر د قرآن د زده کړې کمپاین پیل کړ

ایکنا - د الازهر اسلامي مرکز د  ورتل القرآن: د قرآن تلاوت وکړه» په نوم  سره  د قرآن او تجوید د زده‌کړې کمپاین اعلان کړی دی.

 ایکنانیوز د «نیوز روم» له قوله راپور راکړ،، په دې کمپاین کې د تجوید احکام او تلاوت د ګام په ګام زده کړې لپاره د ویډیوګانو یو لړ خپرېدل شامل دي، چې موخه یې د قرآني علومو خپرول او د مصر د خلکو قرآني روزنه ده.

په په دغو ویډیوګانو کې قرآن په ساده، اسانه او د کورنۍ د ټولو غړو لپاره د پوهېدو وړ طریقه ښوول کېږي، چې پکې د حروفو مخارج او صفات، د آیتونو سم لوستل او له تیروتنې پرته  قرائت شامل دي.

د الازهر مرستیال، محمد الضویني، وویل: هیله لرو چې دا کمپاین د الازهر نجونو، هلکانو او د علم د لټونکو لپاره ګټور وي او د دوی لپاره د قرآن  د زده کړې او د هغې د معناوو د تفکر لاره اسانه کړي.

هغه په خپل فېسبوک پوسټ کې لیکلي: دا کمپاین د شیخ الازهر، احمد الطیب، د لارښوونو په رڼا کې پیل شوی او موخه یې د قرآن د زده کړې اسانتیا او د قرآني نسل روزنه ده.

الازهر تر دې مخکې هم د قرآن د زده کړې او تجوید په برخه کې ګڼ فعالیتونه کړي دي، لکه د «قرآن الکترونیکي قاري» اپلیکیشن چې د شیخ الازهر احمد الطیب په ملاتړ او د الازهر د مرستیال محمد عبدالرحمن الضویني تر څارنې لاندې جوړ شوی دی.

دا اپلیکیشن د الازهر د هغو هڅو یوه برخه ده چې غواړي له نوې ټیکنالوژۍ څخه د قرآن خدمت او د هغه د زده کړې لپاره ګټه واخلي. اپلیکیشن د سمو او روڼو تلاوتي شرایطو په برابرولو سره د الازهر دننه او بهر د قرآني زده کړو ملاتړ کوي.

https://iqna.ir/fa/news/4321621