په نحف اشرف کې د حضرت فاطمة زهرا (س) د صحن او شبستان افتتاح
د ایکنانیوز د خبریال د راپور له مخې، هغه زیارتکوونکي چې تر ۱۳۹۰ لمریز کال مخکې د حضرت علي(ع) حرم ته تللي وو، ښه پوهېږي چې د ولایت او امامت دلومړی ستوري امیر المومنین حرم ډېر کوچنی و؛ داسې فضا چې عملي ډول یوازې هغه کوټه پکې وه چې سپېڅلی ضریح پکې واقع ؤ او څو وړې څنګیزې برانډې ئې درلودې.
خو د صدام له سقوط وروسته او د ایرانيو او نورو نړیوالو زیارتکوونکو د نړۍ له ګوټګوټ څخه د رسول الله بزرګوار د جانشنین او د امامت او ولایت د لومړي ځلانده ستوري ددغه ستر شخصیت د مینهوالو د سفرونو له زیاتېدو سره، په ځانګړي ډول د حسینی اربعین د نړیوال کېدو له امله، د علوي مقدس حرم پراختیا یوه جدي اړتیا وګرځېده.
په نجف اشرف کې د امیرالمؤمنین علي(ع) د سپېڅلي مرقد ترڅنګ د حضرت فاطمه زهرا(س) صحن او شبستان د چهارشنبې په ورځ د ایرانيو او عراقي و چارواکو په شتون کې پرانیستل شو. دا یوه ویاړمنه ودانۍ ده چې د ایراني–اسلامي معمارۍ له مخې جوړه شوې او د ایران د ملت د معنویت، تاریخ او تمدن د پیوستون ښکارندوی ده.
د امیرالمؤمنین علي(ع) د سپېڅلي حرم د پراختیا دغه پروژه، چې د حضرت فاطمه زهرا(س) په مبارکې نامې سره نومول شوې، د ایرانيو انجنیرانو او استادکارانو له کلونو هڅو وروسته د حرم ظرفیت شل چنده زیات کړی دی.
https://iqna.ir/fa/news/4323183/
