د غزې په ملاتړ او د قرآن کریم د سپکاوي د غندنې په باب د یمن د میلیونی خلکو مظاهرې
ایکنانیوز د المیسیره نټ له قوله راپور راکړ، د دې پراخو مظاهرو ګډونوالو د جمعې په ورځ ټینګار وکړ چې د جنایتکارو او وحشي ډوله افراطیانو په وسیله د قرآن کریم هر ډول سپکاوی د ټول اسلامي امت پر وړاندې تېری بلل کېږي، او د یمن ولس د مقاومت او د دښمنانو پر وړاندې د مقابلې په ټولو ډګرونو کې حاضر دی. لاریون کونکو په زغرده ووئیل؛ د یمن د خلکو له قرآن سره ژمنتیا یو ثابت ایماني اصل دی او هېڅ ډول دباؤ او برید نه شي کولی دوي د مقاومت له لارې واړوي. دوی همدارنګه د مظلوم فلسطیني ولس د ملاتړ او د دښمن پر وړاندې پر بشپړ چمتووالي ټینګار وکړ.
د دغه میلیوني لاریون په پاییزې اعلامیې کې ویل شوي چې د قرآن کریم پرلهپسې سپکاوي جلا پېښې نه دي، بلکې د امریکا، صهیونیستي رژیم او بریتانیا په مشرۍ د یوې پراخې جګړې برخه ده، چې د نړیوالې همدستۍ او د عربي هېوادونو د شرموونکي چُپتیا تر سیوري لاندې د اسلامي امت هویت، ایمان او سپېڅلي ځایونه په نښه کوي.
په اعلامیې کې راغلي چې په ډګر کې د یمن د خلکو پراخ میلیوني شتون د قرآن کریم پر وړاندې د هر ډول سپکاوي پر کلک مخالفت دلالت کوي او د مظلوم فلسطیني ولس د ملاتړ لپاره د ټینګې عقیدې بیاځلي اعلان او د هر ډول ګواښ پر وړاندې د بشپړ بسیج او چمتووالي څرګندونه ده، چې یمن او سیمه په نښه کوي.
په دې اعلامیه کې د قرآن کریم پر وړاندې د یادو هېوادونو د زیاتېدونکو سپکاویو په ځواب کې د امریکايي او اسراییلي توکو د بایکاټ غوښتنه شوې، او دا کار ئې یو اخلاقي او دیني اقدام بللی دی.
د دې لاریون ګډونوالو یو ځل بیا د صهیونیستي رژیم د ظلم او تېري پر وړاندې د درېدو ژمنه تازه کړه او اعلان ئې وکړ چې یمن به د قرآن کریم او د مظلوم فلسطیني ولس تر څنګ ولاړ پاتې شي.
څو ورځې وړاندې، د امریکا د کانګرس د راتلونکو ټاکنو یوې کاندیدې د دې هېواد د افراطي ښي اړخو ډلو د جلبولو لپاره د قرآن کریم سپکاوی وکړ. نوموړې د مسلمانانو د سپېڅلي کتاب د سوځولو پر مهال ژمنه وکړه چې که د کانګرس په ټاکنو کې بریالی شي، په ټیکساس ایالت کې به د اسلام شتون پای ته ورسوي. دغه اسلامضده کس، چې د امریکا د ولسمشر ډونالډ ټرمپ د ملاتړ مخینه هم لري، ادعا وکړه چې مسلمانان غواړي مسیحي هېوادونه ونیسي.
https://iqna.ir/fa/news/4323828
