ایران به د بهرنیو ګواښونو پر وړاندې د خپل هېواد د حریم په پوره قدرت سره دفاع وکړي

ایکنا - د هېواد د بهرنیو چارو وزیر نن د سعودي عربستان له خارجه وزیر سره په ټیلیفوني خبرو کې وویل: د ایران اسلامي جمهوریت به د ملي ملاتړ او ملي بصیرت پر اساس ، د هر ډول بهرني ګواښ پر وړاندې د هېواد له حریمه په قدرت  او طاقت سره  دفاع وکړي.      

ایکنانیوز د بهرنیو چارو وزارت د معلوماتي وېبپاڼې په حواله راپور راکړ، د ایران د اسلامي جمهوریت د بهرنیو چارو وزیر، سید عباس عراقچي، او د سعودي عربستان د بهرنیو چارو وزیر، فیصل بن فرحان، په یوه ټیلیفوني تماس کې د دوه‌اړخیزو اړیکو او همدارنګه د سیمه‌ییزو او نړیوالو بد لونونو په اړه خبرې اترې او د نظر تبادله وکړه.

په دې ټیلیفوني تماس کې د دواړو هېوادونو پر دې ټینګار وشو چې د ایران او سعودي تر مینځ اړیکې د دواړو لورو د ګډو ګټو په ټولو برخو کې لا پیاوړې کړي.

د ایران د اسلامی جمهوریت د بهرنیو چارو وزیر، په ایران کې د تېرو دوو اوونیو د   حالاتو  د تشریح پر مهال وویل: دا بدلونونه د صنفي او اقتصادي سوله‌ییزو اعتراضونو په بڼه پیل شول، خو د  مرغومې یا جدی د میاشتې په ۱۸مه او ۱۹مه د صهیونیسڼي رژیم پورې تړلو ترهګرو عناصرو په  منظمې واریدیدا سره په تاوتریخوالي بدل شول. هغه د سیمې د هېوادونو په کورنیو چارو کې د بهرنیو لاسوهنو د نړیوال غندنې پر اهمیت ټینګار وکړ او وې ویل چې د ایران اسلامي جمهوریت به د ملي ملاتړ او ملي بصیرت پر اساس، د هر ډول بهرني ګواښ پر وړاندې د هېواد له حریمه په قوت او قدرت سره دفاع وکړي.

د بهرنیو چارو وزیر همدارنګه د امریکایي چارواکو لمسؤنکې  او لاسوهونکې څرګندونې وغندلې او د سیمې د ټولو هېوادونو پر مسؤلیت ئې ټینګار وکړ چې د سیمې ثبات او امنیت د ناامنۍ رامینځته کوونکو کړنو او خوځښتونو پر وړاندې وساتي؛ په ځانګړي ډول د صهیونیستي رژیم د پراختیا غوښتونکو اقداماتو پر وړاندې.

د سعودي عربستان د بهرنیو چارو وزیر فیصل بن فرحان هم د سیمې په روان وضعیت او د هر ډول کړکېچ د زیاتېدو په پایلو د اندېښنې په څرګندولو سره، د سیمې د ثبات او امنیت د ساتلو لپاره د ډیپلوماټیکو لارو د کارولو او همدارنګه د سیمه‌ییزو ملګرتیاؤ پر اهمیت ټینګار وکړ.

https://iqna.ir/fa/news/4328708