په شمالي مقدونیه کې د نبوي سیرت نندارتون پرانیستل شو

ایکنا - د نبوي سیرت د پېژندنې نندارتون،د سلواغې له شپږمې، د شمالي مقدونیه په پلازمېنې اسکوپیه کې پرانیستل شوی دی.

 ایکنانیوز  د «المسلمون حول العالم» له قوله راپور ورکړل شوی، دا نندارتون به د ۲۰۲۶ کال د فبرورۍ تر شپږمې (د سلواغې ۱۷مې) پورې دوام ولري او د اسلامي ارزښتونو لکه سولې، مهربانۍ او اخلاقو د زده‌کړې او پرې د تفکر لپاره یو مناسب فرصت برابروي.

دا نندارتون د اسکوپیه د ښار په یوه له تر ټولو مشهورو تاریخي او سیاحتي سیمو کې ترسره کېږي؛ هغه سیمه چې تل د ښار د اوسېدونکو او سیلانیانو له لوري لیدل کېږي او خورا ډیره ولوله او ګڼه ګوڼه لري.

د «چیفته حمام» تاریخي ودانۍ د دې نندارتون کوربه ده؛هغه ځای چې پخوا د دودیز عامه حمام په توګه کارېده او وروسته د نندارتونونو او کلتوري پروګرامونو لپاره په یوه فضا بدله شوه.

دا تاریخي ودانۍ د زاړه او مشهور بازار په سیمه «چارشیای اسکوپیه» کې موقعیت لري، او نندارې ته وړاندې شوي  اثار پر انساني مفاهیمو او ښو اسلامي ارزښتونو تمرکز لري.

د دې نندارتون لیدنه وړیا ده، او وړاندې شوي بصري مواد، معلوماتي پینلونه او څو‌رسنیز (ملټي‌مېډیا) محتوا، لیدونکو ته دا زمینه برابروي چې د حضرت محمد ﷺ ژوند او د اسلام پیغام په ساده او د لویانو او ماشومانو د عمر له پلوه په مناسب ډول درک کړي.

https://iqna.ir/fa/news/4330668