په پاکستان کې د اسلامي هېوادونو د واکسن جوړونکوشرکتونو څلورمه غونډه ترسره شوه
ایکنا د «العالم» له قوله راپور راکړ، دغه غونډه د دې لپاره جوړه شوې وه چې د اسلامي نړۍ په کچه د واکسین په تولید کې ځانبسیاینه پیاوړی شي او د روغتیا امنیت ټینګ شي. غونډه په دې موافقې سره پای ته رسېدلې چې د لاسرسي، ارزان والي، کیفیت او سیمهییزې ملګرتیا د زیاتولو لپاره د لارې عملي نقشه جوړه شي.
په دې غونډه کې مخکښو واکسین جوړونکو ګډون کړی و، چې په هغو کې
Pasteur Institute of Iran
Razi Vaccine and Serum Research Institute
Bio Farma (انډونیشیا)
Institut Pasteur de Dakar
Pharmaniaga (ملایشیا)
د پاکستان او سعودي عربستان تولیدوونکي
او همدارنګه د World Health Organization، د Islamic Development Bank، د Standards and Metrology Institute for Islamic Countries (SMIIC)، او د Gavi, the Vaccine Alliance استازي، ملي څارنیز چارواکي، پراختیائي شریکان او د اسلامي نړۍ کارپوهان شامل وو.
د پرانیستې په مراسمو کې د پاکستان فیدرال د روغتیا وزیر، د اسلامي ملګرتیا موسیسې د ساینس او ټکنالوژۍ مرستیال عمومي منشي او د کامسټیک عمومي همغږي کوونکي د اسلامي هېوادونو ترمنځ د څېړنې، پراختیا او د واکسین د تولید په برخې کې د لا ډېرې همغږۍ پر اړتیا ټینګار وکړ او دائې پر واکسینو د ځانبسیاینې او د روغتیا امنیت د پیاوړتیا لپاره مهم ګام وباله.
په غونډې کې اعلان وشو چې په اوسني نړیوال پړاو کې د واکسین په تولید کې ځانبسیا توب یوه ستراتیژیکه اړتیا ګرځېدلې ده.
همدارنګه د اسلامي هېوادونو د واکسین جوړونکو د بنسټ له ۲۰۱۴ کال راهیسې لاسته راوړنې، لکه د انډ،نیشیا له بایوفارما او د ایران له پاستور انستیتوت سره د ملګرتیا تړونونه او ګډ روزنیز پروګرامونه، هم یاد شول.
د پاکستان د روغتیا وزیر ووئيل چې دغه هېواد اوس مهال پر ۱۳ وارداتي واکسینونو تکیه لري، خو غواړي تر ۲۰۳۰ کال پورې د غړو هېوادونو په همکارۍ د کورني واکسین د تولید وړتیا پراخه کړي.
د پاي په مراسمو کې، چې د پاکستان د روغتیا لوړپوړي چارواکي پکې حاضر وو، د علمي همکاریو پر دوام او د غړو هېوادونو ترمنځ د څارنې او معیاري کولو د همغږۍ پر پیاوړتیا ټینګار وشو.
https://iqna.ir/fa/news/4334283
