د قرآن نندارتون؛ د رسنیزې جګړې په پړاؤ کې د ملي پیوستون سنګر

ایکنا – د قرآن د نندارتون مشر حجت‌الاسلام والمسلمین حمیدرضا ارباب‌سلیماني د سلواغې په ۲۷ په یوې خبري غونډې کې د قرآن د ۳۳ نړیوال نندارتون د جوړېدو خبر ورکړ او وې ویل چې دا نندارتون به په ۱۶ زره مربع  میتره فضا کې ترسره شي. هغه د وخت او ځای د اعلان ترڅنګ وویل: ولسي کول، نوښت، د  غوره کسانو  له ظرفیت څخه ګټه اخیستل او نوې ټیکنالوژۍ، په ځانګړي ډول مصنوعي ځیرکتیا(آرټيفیشل انټلیجنس)، د نندارتون له مهمو محورونو دي.

د ایکنا خبریال راپور ورکوي چې د قرآن د ۳۳ نړیوال نندارتون مشر ، ارباب‌سلیماني، د دې نندارتون د پوستر د پرانېستنې پر مهال وویل: مونږ د روژې میاشتې او د قرآن د ۳۳ نړیوال نندارتون د جوړېدو په درشل کې سره  ټول شوي یو، نه یوازې د یوه قرآني پروګرام د معرفي کولو لپاره، بلکې د یوې تاریخي اړیکې او مینې د بیا یادونې لپاره؛ د ملت تاریخي پیوستون له قرآن سره او د ایران د درنو خلکو مینه له دې آسماني کتاب سره.

د ایران د  فرهنګ او اسلامي ارشاد   د وزارت د قرآن او عترت د عالي مرکز مشر زیاته کړه: د سږکال شعار «ایران د قرآن په پناه کې» له همدې لیدلوري معنا پیدا کوي. دا شعار یوازې یو سرلیک نه دی، بلکې یوه تمدني لور نیونه او هویتي تکیه‌ځای دی. قرآن زمونږ د ملي یووالي او فرهنګي قدرت چورلیز دی او باید هېڅکله دا حقیقت هېر نه کړو.

وخت، ځای او اجرایي بهیر

ارباب‌سلیماني ووئيل؛ د قرآن  ۳۳ نړیوال نندارتون به د خدای په فضل د کب  د میاشتې له لومړۍ نېټې څخه تر نیمائي پورې په تهران کې  د امام خمینی(ره) په عید ګاه یا مصلی  اصلي شبستان یا  هال کې هره ورځ د مازدیګر له ۴ بجو تر شپې  ۱۱ بجو پورې ترسره شي.

سټراتېژیک اهداف

هغه د نندارتون سټراتېژیک اهدافو په بیانولو سره ووئيل؛ د کورنۍ بنسټ ته ځانګړې پاملرنه د ایراني ـ اسلامي ژوند د ترویج په موخه؛ د قرآن ترڅنګ د عترت موضوع ته ځانګړې پاملرنه او د نهج‌البلاغې، صحیفه سجادیې، مهدویت او غدیر لپاره ځانګړې برخې؛

د اسلامي نړۍ د متفکرانو، هنرمندانو او فعالانو د بلنې له لارې قرآني ډیپلوماسي ته پاملرنه ؛

له نوو ټیکنالوژیو او علمي ـ بنسټیزو ظرفیتونو څخه ګټه اخیستل ددغه نندارتون سټراټژيکې موخې دي.

ارباب‌سلیماني ټینګار وکړ چې د قرآن نندارتون د قرآن د ښه معرفي کولو، د قرآني فعالانو د پېژندنې، د تجربو د لېږد او د قرآن او عترت په برخې کې د نوو لاسته راوړنو د وړاندې کولو لپاره یو مهم فرصت دی او کولی شي دا آثار په ملي او نړیواله کچه معرفي کړي.

په نړیوالې برخې کې د ۱۶ هېوادونو ګډون

د قرآن د ۳۳م نړیوال نندارتون اجرایي مرستیال، اصغر امیرنیا، د نړیوالې برخې د پروګرامونو په اړه وویل: د تهران قرآني غونډه به د اتو بهرنیو متفکرانو او ۱۲ هنرمندانو په ګډون ترسره شي. پر دې سربېره ، د انډونیشا، مصر، عمان، کویت، ترکیې، پاکستان، بحرین، چین، افغانستان، الجزایر، رومانیا، عراق، بوسنیا، قزاقستان او د تونس هنرمندانو او متفکرانو هم د ګډون چمتووالی ښودلی او د تنظیموونکو په وینا، تر اوسه هېڅ بلنه نه ده لغوه شوې.

https://iqna.ir/fa/news/4334725