مسجدالاقصی د رمضان په لومړۍ شپه له فلسطیني لمونځ کوونکو ډک و

ایکنا - زرګونو فلسطینیانو د روژې د مبارکې  میاشتې په لومړۍ شپه، د صهیونیستي رژیم له سختو امنیتي محدودیتونو سره سره، په مسجدالاقصی کې د جماعت لمونځونه ادا کړل.

د ایکنا د راپور له مخې چې له فلسطیني رسنیو یې نقل کړی، د رمضان المبارک میاشتې  له رارسېدو سره سم د صهیونیستي رژیم ځواکونو د نیواکي قدس ښار په دروازو  او د مسجدالاقصی په شاوخوا کې سخت امنیتي محدودیتونه ولګول. سره له دې، زرګونو فلسطینيو لمونځ کوونکو د چهارشنبې په ماښام د مسجدالاقصی په انګڼونو کې د ماخوستن (عشا) او تراویح لمونځونه ادا کړل.

د راپور پر بنسټ، انیواکګرو ځواکونو د لوېدیځې غاړې  اوسېدونکو فلسطینیانو ته مسجدالاقصی ته د واردیدا مخه ونیوله او د  نیول شوي  قدس ښار په فلسطینيو اوسېدونکو ئې هم محدودیتونه ولګول، او د ښار په بېلابېلو کوڅو کې یې ګڼ شمېر تلاشي پوستې جوړې کړې.

رسنیو ویلي، لمونځ کوونکو د صهیونیستي نیواکګرو د ځپونکو اقداماتو او محدودیتونو سره سره، د رمضان میاشتې عبادي مراسم په مسجدالاقصی کې ترسره کړل.

ټاکل شوې ده چې د  رمضان مبارکې میاشتې په اوږدو کې به د لمونځ کوونکو لوي شمېر د لمانځه ادا کولو لپاره مسجدالاقصی ته ولاړ شي.

په همدې تړاو، د مسجدالاقصی خطیب، شیخ عکرمه صبری،مخکې خبرداری ورکړی و چې د صهیونیستي رژیم د افراطي کابینې د سیاستونو او اقداماتو له امله به سږ کال د دې جومات د لمونځ کوونکو شمېر کم شي.

https://iqna.ir/fa/news/4335549