په عراق کې د حسيني آستان د رمضان د ۲۵۳قرآن ختمونو ترسره کول
د ایکنا د عراق د راپور له مخې، د امام حسین (ع) د مطهر حرم دارالقرآن الکریم برخې اعلان کړی چې د رمضان د مرکزي قرآني پروژې لپاره ئې تخنیکي، لوجستیکي او اداري چمتووالی بشپړ کړی دی. په دې پروژې کې د رمضان په میاشت کې د قرآن د تلاوت ۲۵۳محفلونه شامل دي؛ له دې ډلې ۱۳۳ د نارینهوو لپاره، ۹۵ د ښځو لپاره او ۲۵ په عراقي پوهنتونونو کې ترسره کېږي.
د دارالقرآن الکریم د قرآني رسنیو د مرکز مشر، وسام نضیر الدلفي، وویل: د تلاوت مرکزي ورځنۍ غونډه هره ورځ په پنځو ناستو کې ترسره کېږي چې په ترڅ کې یې د قرآن کریم یو بشپړ جزء تلاوت کېږي. له شپېتو څخه زیات قاریان په دې پروګرام کې ګډون کوي. پر دې سربېره ، دارالقرآن الکریم به له ګاونډیو هېوادونو لکه ایران، مصر، لبنان او بحرین څخه هم د قاریانو کوربهتوب وکړي.
هغه زیاته کړه: په دغې پروژې :ې د کربلا سپېڅلي ښار څو سیمې شاملیږي، چې پکې له اتو څخه زیات د تلاوت ناستې ترسره کېږي او د زیارتي ښارونو او نورو ځایونو په کچه وېشل کېږي. هغه څرګنده کړه چې په دې پروګرام کې به د عراق په پوهنتونونو او علمي بنسټونو کې هم د قرآن د تلاوت ۲۵غونډې ترسره شي، څو په علمي چاپېریال کې قرآني فرهنګ ته وده ورکړل شي.
الدلفي ټینګار وکړ چې د تلاوت له ۲۲۰ څخه زیاتې غونډې به د دارالقرآن په څانګو او مدرسو کې، چې د عراق په ۱۷ ولایتونو کې خپرې دي، د دارالقرآن الکریم تر څارنې لاندې ترسره شي. پر دې سربېره ،د رمضان د مبارکې میاشتې د شپو په لړ کې به قرآني پروګرامونه، سیمینارونه او بحثونه هم ترسره شي
هغه زیاته کړه چې د رسنیو پلان د رسنیو د ادارې او د کربلا ټیلوېژني چینل په همکارۍ نهائي شوی، څو د تلاوتونو پېښې تر پوښښ لاندې راولي او د امام حسین (ع)د حرم له صحن څخه ئې په ژوندۍ بڼه د عراق دننه او بهر مخاطبینو ته خپرې کړي.
هغه ټینګار وکړ چې د اداري، خدماتي او رسنیزو هڅو یوځای کول د دې سترې پروژې په بریا کې مهم رول لري او د امام حسین (ع) د مقدس حرم له مقام سره سم یو بنسټیز انځور وړاندې کوي، څو کربلا د قرآن کریم لپاره په یوه نړیوال سمبول بدله شي.
https://iqna.ir/fa/news/4336221
